10月已經不停喺舖頭見到聖誕樹，到11月尾更加周街都有，連超級市場都有得賣，咁究竟幾時開始擺聖誕樹先最傳統上正確呢？
上次介紹咗個講英女皇生平嘅劇集，啱大人睇。
The Crown 皇冠
https://www.facebook.com/permalink.php?story_fbid=285372266932444&id=100063790193107
今次呢個係畀小朋友睇嘅攪笑歷史節目。原著係一套同名嘅書。個節目用D攪笑手法去介紹英國同歐洲歷史，由石器時代，古埃及，古希臘，古羅馬，凱爾特人(Celts)，撒克遜人(Saxons)，維京人，諾曼人(Normans)，中世紀，阿兹特克人(Aztecs)，印加人(Incas)，都鐸王朝(Tudors)，斯圖亞特(Stuarts)，喬治王朝(Georgian)，維多利亞時代(Victorians)，大英帝國，第一及第二次世界大戰都有。
Horrible Histories書
https://www.waterstones.com/horrible-histories
個節目非常攪笑，會用直銷廣告，清談節目，飲食節目等等嘅手法去介紹歷史事實。又時不時會有歌舞，小妹睇到咔咔聲笑。高小或以上嘅細路應該會睇得明，識得笑。只要有TV license，就可以用BBC嘅iPlayer睇。
Horrible Histories@iPlayer
https://www.bbc.co.uk/iplayer/episodes/b00sp0l8/horrible-histories
萬母都要同小妹一齊睇，惡補吓D歷史。
上回明明話萬母唔鍾意用地毯，因咩解究而家又要揀地毯呢？
因為咁嘅，喺搵builders報價嘅過程中，其中一個媽媽級建築師講咗一個point，令萬母好信服，就係樓梯用地毯既可減少嘈音，又可防滑，最重要係萬一真係喺樓梯趺親，撞落地毯比落木地板冇咁傷，就係咁，萬母就決定樓梯要鋪地毯喇。
原來揀地毯都係一大學問，想耐用就最好揀short, dense, heavy嘅地毯。
下面個網站有介紹唔同種類嘅地毯，包括材料，織法等等，最重要係佢有個quiz，只要答佢嘅問題，例如：打算邊度鋪地毯，有冇細路/寵物，預算係幾多，要求咩質料，答完佢就會建議你用邊種地毯。
https://www.which.co.uk/reviews/carpets/article/how-to-choose-a-carpet/types-of-carpet-aCiW30E4IPu5#carpetquiz
以下就係萬母得到嘅答案： polyester twist carpet
A polyester twist carpet would be a good choice for you.
Polyester is reasonably priced and stain resistant, to help you cope with any dirt or spillages caused by children or pets. It also looks the most like wool. Twists are good at hiding dirt, and are a good choice for areas with lots of foot traffic because they don't show footprints, vacuum marks or furniture marks.
另外地毯嘅厚度又係一門學問，厚地毯踩落去軟棉棉，舒服D，但樓梯又唔適宜用太厚，因為D摺位太厚會容易"踏空"，建議半吋以下會較適合樓梯用。
地毯一樣可以拎免費samples嘅，有時電腦出嘅色同實物差好遠，建議真係要睇吓實物先作決定。
下面係地毯公司網站。
https://www.ukflooringdirect.co.uk/
https://www.carpetright.co.uk/
https://www.tapi.co.uk/
又係中式甜品comfort food，今次試用魚膠粉整豆腐花。
1. 煲熱豆漿
2. 邊攪邊灑下魚膠粉，直至魚膠粉完全溶解
3. 放入雪櫃直至凝固
傳統製法需要用石膏粉，又需要用純豆漿，太煩，太唔適合懶人，所以就試用魚膠粉做低階版。
魚膠粉好難完全溶解，所以生晒豆皮，有篩過濾會滑D。
出嚟嘅口感似豆腐布甸多過豆腐花，做法簡單，過吓口感，解吓癮都未嘗不可嘅，冇得同木桶豆腐花比較。
又係平靚甜超市蛋糕系統，今次試咖啡蛋糕，味道唔錯，比朱古力味冇咁甜，但以港人口味仍然係偏甜，不過勝在夠平，適合拎嚟做切餅儀式。
https://www.sainsburys.co.uk/gol-ui/product/sainsburys-colombian-coffee-cake-taste-the-difference-400g-serves-6-
💰💰超市行情：💰💰
咖啡蛋糕 £2.75
呢間又係應agent邀請去睇嘅semi-detached，全屋1659呎，地下同閣樓都做晒extension。
先講入門口個玄關位，呢邊叫porch(門廊)，即係有兩度大門，入咗第一道之後，未入第二道之前嘅空間，唔係間間屋有，但萬母自己覺得有porch係幾好嘅，呢間屋仲要整咗個衣櫃喺porch，放大褸同鞋，想像吓，一返屋企就除咗件大褸掛喺門口大櫃，街外嘅污糟野就少咗帶入屋。
地下近門口有客廁，另有偏廳，同大廳相連，但有玻璃門相隔，開放式廚房連飯廳，個廚房有個island，island上有煮食爐(hob)，適合鍾意一邊煮飯一邊睇電視嘅人。
一樓有三房一廁，其中一間雙人房整晒書櫃書檯做咗書房，成個辦公環境好靚，仲要望住個花園辦公，不過屋主話呢間房嘅傢俬係會清走，只留吉房一間。
另一間睡房，做晒淡粉紅色入牆衣櫃，仲係好fancy好公主feel嗰種，連埋同款梳妝台，實在華麗到一個點。
再另一間房，雖然叫細房，但都比其他屋嘅細房大，放到雙人床，仲可以三邊落床。
頂樓係一間套房，又係做晒入牆衣櫃，空間好大。
成間屋其實感覺唔錯嘅，除咗間粉紅色房之外，廚廁都係米色或淺啡色，感覺溫馨，agent話6年前裝修過，眼睇唔算舊，如果要求唔高，真係可以拎行李就入住。但價錢真係唔平，可以話係好貴添，睇咗個樓市幾個月，感覺越嚟越貴，平價選擇越嚟越少。
萬母係韓劇迷，以前放工返屋企都可以狂煲劇，曾經以為嚟到英國可以更瘋狂地煲，點知事實不似預期，D時間唔知去晒邊，嚟咗咁耐只睇過兩套韓劇，咁當然喇，有D時間係花咗去睇MIRROR嘅。
冇睇韓劇，最近反而睇緊套英美劇 - 《王冠》。
《王冠》係一套電視劇，主要講述英女皇嘅事蹟。
//第一季故事主軸從1947年至1955年開始講述，描繪伊莉莎白與菲利普親王成婚、喬治六世駕崩、加冕典禮、倫敦霧霾事件、瑪格麗特公主與彼得·湯森的戀情和邱吉爾退休等事件。
第二季故事從1956年的蘇伊士運河危機到1963年女王第三任首相哈羅德·麥米倫在普諾斯莫事件下台為止，包含1964年愛德華王子誕生等事件。
第三季包含首相哈羅德·威爾遜執政時期、艾伯凡礦災、阿波羅11號登月、1969年的威爾斯親王授勳典禮、非洲與加勒比地區去殖民化歷程、瑪格麗特公主與園藝專家羅迪·盧埃林准男爵長達八年的婚外情，這場婚外情最終導致其於1978年與安東尼·阿姆斯壯-瓊斯離婚等事件。//
第四季主要講查理斯王子同戴安娜嘅故事，同埋戴卓爾夫人執政時期嘅事。
第五季要出年先有得睇。
點解會揀呢套劇嚟睇，主要係覺得既然住咗喺英國，就應該要(有趣地)了解多D佢嘅歷史，咁煲劇比睇書有趣少少嘅，而且呢套劇都拎過好多獎，同埋大部份都係跟史實去拍，所以就決定開煲喇。
如果你都有興趣，可以去netflix，同萬母一齊煲The Crown 皇冠。
https://www.netflix.com/title/80025678
英國真係一個鬼地方嚟，佢會令到人不停技能解鎖。
繼上次成功鈎到蝴蝶巾後，萬母又成功技能解鎖，今次鈎到對手套。
小妹要求唔要mitten，要glove，真係向難度挑戰，要鈎夠咁多隻手指，好彩睇住video，逐步學，最後都成功咗。
鈎手套教學片
https://www.ixigua.com/7019235589383782919?logTag=7dd9c1caf03411145920
但鈎時真係要手鬆D，否則太緊就放唔入隻手，另外手指長度可以自行調節，呢對跟住video整，最後手指位長咗三分之一，下次可以縮短一D。
連手套都鈎埋，真係賢良淑德到自己都毛管戙，好得人驚。
蝴蝶巾
https://www.facebook.com/permalink.php?story_fbid=251723276964010&id=100063790193107
萬能家喺香港一路用開地磚，但係喺英國地磚的確唔係最普遍嘅選擇，因為踩落去真係好凍，雖然而家已經越多越多人用地磚，再加地熱，但我哋仍然揀咗睡房鋪地板。至於點解唔鋪地毯，理由就係唔慣，怕地毯積塵，難清潔。
喺英國，萬母除咗做全職"土地測量師"之外，仲兼職做埋造型設計，皆因小妹學校時不時就要佢哋dress up返學，每個half-term都總有個topic day，跟番嗰個學期嘅topic去cosplay，間唔時亦有non-uniform day。
頭幾次，都好好心機咁上網搵costume，但諗諗吓次次買成套costume都唔係辦法，所以之後就嘗試用屋企現成嘅物資mix and match。
今個學期小妹嘅題目分別係The Ancient Maya同Extreme Earth，一個扮古馬雅人，另一個扮去南極，可能有D家長覺得三不五時就要扮野，好煩，但萬母又好享受，覺得都幾好玩，扮到靚靚/古靈精怪咁返學，個人都醒神D，學野都快D(希望係喇)，最重要係帶過嚟嘅衫，有用武之地，感覺冇咁浪費。
上上回講到，英國嘅車牌路試分5部份。
第一部份係考眼力(讀20米以外嘅車牌號碼)。
第二部份係"show me, tell me"，詳見以下連結。
https://www.facebook.com/permalink.php?story_fbid=302439665018988&id=106304157965874
第三部份係普通駕駛能力測試，考官會話你知轉左，轉右，直行，聽指示做就得，喺呢部份考官會隨時叫你停埋路邊再開車。
第四部份係倒車，詳見以下連結。
https://www.facebook.com/permalink.php?story_fbid=266624035473934&id=100063790193107
第五部份係獨立駕駛。
要揸20分鐘車，一係跟導航，一係跟路牌，考官會話你知跟邊樣，亦會幫你set導航，冇得用自己嘅。
如果路牌被其他野(例如:樹)遮住，攪到睇唔到，考官係會畀指示，直到你睇到另一個路牌。
如果行錯路，係唔會受罰嘅，考官會幫手指路返正途。
成個路試約40分鐘，如果中途出錯，係會繼續嘅，除非犯大錯攪到肥佬，咁就會提早返歸，冇得繼續考試。
下面條片有講用導航時嘅注意事項。
https://www.youtube.com/watch?v=UU1v-SoWF7Y
用導航呢一part係最近幾年新加嘅，又係嘅，而家有邊個司機係唔會用導航吖，特別係去D唔熟嘅地方，一定靠導航，咁要測試吓學神能唔能夠一邊揸車一邊睇導航都真係幾重要，同埋係與時並進嘅，雖然要控制架車同睇路已經好難，加多一項就難上加難。
以下又係廣告時間：
https://www.youtube.com/watch?v=43cQ1pJm3lw
#三個字
又係Jus-Rol系列，今次係手撕蒜蓉包，除咗麵團，包裝仲提供埋蒜蓉醬，只要自己準備芝士就得，唔鍾意咁重口味可以落少D醬，全由自己話事。
焗24分鐘就有得食喇，Jus-Rol真係手殘人嘅好朋友。
💰💰超市行情：💰💰
自焗蒜蓉包 £2.5
小妹過去兩星期，剛剛跟學校上完10堂游水堂，雖然只係上兩星期，但萬母擔心咗四個星期。
未上堂前已經超級擔心，擔心小妹自己去泳池攪唔掂，會唔會唔見晒D野，著衫太慢會唔會冷親......
學校老師要求D細路朝早著埋泳衣喺校服入面返學，而女同學又要著一件頭泳衣，萬母嘗試問吓可唔可以著兩件頭，諗住方便D，但被老師拒絕，可能老師以為兩件頭即係比堅尼喇。
就係咁，萬母需要喺屋企教小妹點樣去廁所，仲要教佢去到泳池除咗D校服擺去邊，游完水點樣最快速抹乾身，著返校服。
小妹第一日游完水返嚟，萬母問佢有冇同學仔冇帶under，小妹話冇，但有同學冇除泳衣就著返校服，真係十萬個驚嚇，好彩喺屋企rehearsal過。
根據小妹形容，泳池水係暖嘅，唯一會凍嘅時間係上水後入更衣室前，所以佢哋都係急步入去。
教練根據游泳能力將全班分3組，最初階嗰組就扶住池邊學踢水，中階組就攬住浮板踢水，高階組就不停操水。兩個星期入面都有機會升組嘅。
最後一堂，小妹要求帶套睡衣去泳池，萬母初時聽到一舊雲，又泳衣又睡衣，攪咩，究竟係pyjamas poolside party定訓練著住衫嚟游水，真係唔知，只知英國嘅小學生活真係超出萬母嘅想像。
感恩平平安安渡過兩星期，冇穿冇爛冇唔見野，或者係時候去學習~放手，放開所有~~
#圖文不符
個外殼攪得七七八八，開始要諗屋入面嘅裝置，第一樣要處理嘅係磚。
香港嘅屋好多時都用到磚，廚房，廁所，地下等等，英國嘅屋相對地少用磚，有D廁所嘅牆都係油漆，冇磚。
但自己屋可以自己話事，我哋決定廁所牆身同地板都用磚，廚房同飯廳都用磚地。
英國有好多唔同磚舖， 大部份都可以要求free sample，不過free sample都係細細塊，10cm X 10 cm，老實講，係睇唔清楚嘅。
當然亦可以畀錢買塊磚當sample喇，某D舖頭亦有refund條款，只要舊磚無爛，睇完睇夠係可以全數refund嘅。下面係兩間磚舖嘅網站，當然亦有好多未能盡錄。
https://www.toppstiles.co.uk/
https://www.ctdtiles.co.uk/
朋友介紹我哋睇total tiles，話呢間雖然要收錢畀sample，但塊sample係大大塊嘅，可以睇清楚花紋，而且佢比其他磚舖平。
https://totaltiles.co.uk/
揀磚，除咗揀色水，揀花紋，物料都好重要，最常見嘅有兩種： Porcelain vs Ceramic
Builder建議我哋用Porcelain，特別係廁所地磚，一定要揀Porcelain，唔可以用Ceramic。原因係Porcelain密度高D，耐用D，防水D，防污D。
Ceramic磚平D，花款多D，builder話如果我哋真係好鍾意，可以用喺廁所牆身，但最後我哋都係決定用Porcelain。
小貼士： 一開始入手時，先搵免費sample睇咗先，縮窄咗範圍之後先再科水買大sample，如果唔係就會好似萬母咁，成屋都係唔同色，唔同花紋，大大細細嘅磚。
雖然小妹開始大個，開始知道世界上並冇聖誕老人，但小妹仍樂意寫聖誕卡畀聖誕老人，英國呢邊興叫"Father Christmas"，咁又係嘅，屋企嘅Father咪就係聖誕老人囉，呢個秘密小妹都已經開始發現喇。
想寫信畀聖誕老人，可以寄去下面呢個地址，記住要貼埋郵票，同埋12月10日前要寄出。
Santa/Father Christmas
Santa’s Grotto
Reindeerland
XM4 5HQ
聖誕老人11月尾就會開始回信，期待英國嘅聖誕老人會寫D咩畀小妹。
官網連結：
https://www.royalmail.com/christmas/letters-to-santa
下面有講點樣自己喺屋企自印郵票。
https://www.facebook.com/permalink.php?story_fbid=215933650336257&id=106304157965874
11月11日唔係咩購物日，喺英國，呢個係紀念第一次世界大戰完結嘅紀念日，亦係紀錄喺戰爭中死去嘅軍人。
有一種紅色花叫Poppy，D人會掛喺心口做紀念，揀呢種花係因為佢喺第一次世界大戰嘅戰場上出現，而當時有個加拿大醫生因為失去摰友，有感而發寫咗首詩。
In Flanders Fields by John McCrae
In Flanders' fields the poppies blow
Between the crosses, row on row,
That mark our place: and in the sky
The larks, still bravely singing, fly
Scarce heard amid the guns below.
We are the dead. Short days ago
We lived, felt dawn, saw sunset glow,
Loved and were loved, and now we lie
In Flanders' fields.
Take up our quarrel with the foe;
To you from failing hands we throw
The torch; be yours to hold it high,
If ye break faith with us who die
We shall not sleep, though poppies grow
In Flanders' Fields.
https://www.britishlegion.org.uk/get-involved/remembrance/about-remembrance/the-poppy
今朝萬母送小妹返學時，都昅到老師個大screen寫住Remembrance Day，呢個應該係英國學生必學嘅日子。
英國政府每年都會透過學校幫學童打流感疫苗，而且係用噴鼻嗰種，唔駛拮一針。
先前提過11月5日係Bonfire Night，呢段期間超市有煙花賣，所以好多人都會喺屋企花園放煙花，相信身在英國嘅人已經經歷咗幾日民間煙花匯演。
除咗自放煙花之外，正式嘅煙花匯演都有好多，Alexandra Palace呢個聲稱係全倫敦最正嘅，我哋當然唔錯過喇。
https://www.alexandrapalace.com/whats-on/ally-pallys-fireworks-festival-3/#
好彩早早買咗飛，原來係會售罄㗎。
除咗睇煙花，仲有bonfire，fire show，laser show，仲有fun fair機動遊戲，攤位遊戲，呢D合家歡活動，當然亦有bar，畀人飲番幾杯喇。
講返個煙花匯演，近距離睇煙花都真係好震撼，好正嘅，雖然人多，但又未至於擠迫。小妹話出年要再去，但要擔張櫈坐住睇咁話。
Gutter即係屋頂邊嘅雨水糟(圖中屋頂邊邊，黑色，半圓柱體嗰舊野)，用途係接住屋頂嘅雨水，然後排走佢。如果個gutter塞咗，積水，有機會令到屋頂附近位置滲水，或者落雨時有"水舞間"，滲得勁嘅話，對屋頂，牆身同地基都會有影響，所以個gutter要定期清理。
由於要拆屋頂嘅煙囪，所以要起個施工架(scaffold)上屋頂，當builder上到屋頂時，順手檢查埋屋頂嘅瓦仔同其他設備。
Builder話屋頂有幾粒瓦仔爛咗，要換，其他瓦仔都狀況良好，可以用多二三十年，感恩，呢點同當初surveyor講嘅吻合。
但係個gutter(雨水糟)就太淺，而且旁邊嘅木板亦太舊，最多頂到兩至三年就要換，但既然而家搭咗個施工架，就趁機換埋佢喇。
真係攪一攪間屋就一闊三大，整吓多一樣，整吓又多一樣。
小妹學校繼Movie Night後又一力作，係Halloween Disco。雖然主題係Halloween，但我哋都放棄暗黑系列，選擇做光明之女。
小妹話其實Disco冇咩攪作，喺學校禮堂，播住音樂，有個老師喺度跳傻舞，有D同學仔一齊跳傻舞，而小妹自己就只係四圍盪，四圍去搵老師同學吹水。
學校宣傳話有飲品無限量供應，以為小妹會放肆地飲，點知又冇喎，佢哋只係吹水唔飲水。
問小妹出年仲去唔去Disco Night，兩個都異口同聲話要再去，但聽佢哋嘅描述又唔覺得特別好玩，不過應該係醉翁之意不在酒，只在乎同朋友仔見吓面，傾吓計。
偶然喺網上見人講呢本雜誌，見口碑唔錯，想買本嚟睇吓，點知搵勻各大超市都唔見有賣，最後都係上網買咗一本試讀。 睇過實物之後，覺得真心正，值得訂閱。 呢本雜誌嘅目標讀者係8-14歲嘅青少年，但萬母覺得大人都啱睇，特別係我哋呢D母語唔係英文嘅大人，因為有D生字，佢會配有英文解釋。 雜誌...
