裝修記(8) - 揀地板

萬能家喺香港一路用開地磚，但係喺英國地磚的確唔係最普遍嘅選擇，因為踩落去真係好凍，雖然而家已經越多越多人用地磚，再加地熱，但我哋仍然揀咗睡房鋪地板。至於點解唔鋪地毯，理由就係唔慣，怕地毯積塵，難清潔。

英國地板(唔計地毯同地磚)主要分4類，由貴至平排列如下：

Solid Wood > Engineered Wood > Laminate > Vinyl

Solid Wood太貴唔考慮，Vinyl又太cheap，所以最後係Engineered Wood同Laminate二選一。

我哋屬意用Engineered Wood(科學木：面層係真木，低層係合成木)

以下網站介紹咩係Engineered Wood。

https://www.woodfloorwarehouse.co.uk/advice-inspiration/faqs/what-is-engineered-wood-flooring

以下網站有比較Laminate同Engineered Wood，有興趣可以入去睇。

https://www.tapi.co.uk/engineered-wood/engineered-wood-buying-guide?gclsrc=aw.ds&gclid=Cj0KCQjwkIGKBhCxARIsAINMioKZTZkSLbjzjq17y5eX5qd3CbKqTY_OUJuwV-pGpc-lqELUTykk8nwaAoofEALw_wcB&gclsrc=aw.ds

好喇，揀咗Engineered Wood仲未完㗎喎。Engineered Wood都有九萬幾種，點揀呀？

我哋首先由安裝方法入手，問咗builder之後，佢話tongue & groove好過click system，所以我哋就只揀tongue & groove。

雖然已經篩選咗一堆，但仲有六萬幾種揀，之後我哋就從finish(即面層物料)入手。睇咗一堆網頁發現Lacquered最適合我哋，因為最耐用。下面兩個網站有介紹唔同種類的finish，同比較oiled vs lacquered。

https://www.luxuryflooringandfurnishings.co.uk/engineered-wood-advice-finish

https://www.woodfloorwarehouse.co.uk/advice-inspiration/faqs/oiled-vs-lacquered-wood-flooring

Builders建議我哋揀厚D，闊D嘅地板，我哋都明白嘅，因為接駁口少D，功夫少D，亦都少D機會出問題，但價錢都係考慮因素之一，

我哋都不停order d samples返嚟睇，返嚟摸，屋企又積咗一堆地板samples。

下面幾間公司都可以order free samples，要攪裝修朋友不妨去睇吓。

https://www.ukflooringdirect.co.uk/

https://www.carpetright.co.uk/

https://www.tapi.co.uk/

要注意： 有D地板係variable lenghts，即係成套返嚟係長短不一，要砌積木咁砌，起初我哋都冇為意，後尾被提醒先知原來要睇清楚spec。