英國嘅天氣開始凍,倫敦大約喺10度左右徘徊,天氣凍,自然想懶,煮懶人飯就最啱。
雖然小妹好討厭茄子,但係茄子仍然繼續登場。
網上嘅食譜係教先炒好茄子同肉碎,然後先放入飯煲煮,但萬母覺得咁樣實在太冇效率喇。
既然煮懶人飯就要懶到底,索性咩都掉晒入飯煲煮熟就算。
1. 洗好米放入飯煲,比煲白米要減少DD水量
2. 洗好茄子,切薄片
3. 將醃好嘅肉碎鋪上米面
4. 再鋪上茄子
5. 隨意加鹽,胡椒調味
6. 開掣,煮飯
7. 撈勻,食得
煲懶人飯真係好好好方便,最方便係煮多兩粒米就可以食多餐晏仔,一石二鳥。
沒有留言:
發佈留言