10月已經不停喺舖頭見到聖誕樹,到11月尾更加周街都有,連超級市場都有得賣,咁究竟幾時開始擺聖誕樹先最傳統上正確呢?
有兩個講法,一個話係12月1日,另一個話係將臨期開始,即係聖誕節前四個星期,最接近11月30日嘅星期日,以2021年計,即係11月28日。
以前喺香港,小妹年年都會裝飾聖誕樹,舊年初嚟英國,仲住緊airbnb時,已經買咗棵迷你聖誕樹,本來以為今年可以擺大棵少少,點知發現間屋越嚟越多野,都仍未放得落一棵大樹,唯有再接受迷你版,希望出年有棵大㗎喇。朋友話真聖誕樹要日日掃落葉,係真唔係呀?有冇人可以分享吓?
雖然冇大聖誕樹,但係有倒數朱古力,小妹仍然好心足。趁12月嚟之前影低佢,否則只會得個吉盒。
💰💰超市行情:💰💰
聖誕倒數朱古力 £1@
迷你聖誕樹 £3
沒有留言:
發佈留言