趁住half term放假，又出走了，今次係出走水鄉威尼斯。
今次唔係第一次坐壞人航空，但卻係第一次唔用寄艙行李，因為見佢priority bag個價錢都差唔多，仲要有得揀埋位，點知......原來壞人航空嘅priority bag係比其他航空公司嘅hand carry細，好彩嘅係我哋臨飛前一星期發現，嗱嗱臨買過隻唿，否則去到現場畀人每件行李罰錢就真係甘喇。
去到機場先收到email，班機delay兩個半鐘，每人賠償£3.5(出手有點低...兩個半鐘青春只值咁少錢?)，憑住boarding pass可以當coupon用。
由倫敦飛威尼斯只係兩個鐘10分鐘左右，而班機卻遲咗兩個鐘45分鐘，剛剛少於三個鐘，航空公司唔駛再賠錢。
去到威尼斯已經天黑喇，我哋喺機場坐35號直通巴直入本島巴士總站，再拖住行李行20分鐘去airbnb，天黑咗嘅威尼斯街道仍然好多人，我哋逆流而上，衝去airbnb check in，放低行李再去醫肚，好彩嘅係住宿地方一轉出去就係大街，好多選擇。
第一天有D波折但平安渡過。
開始入秋冬，天氣開始涼，日照又變短，多咗時間喺屋企，適合做咩呢？
適合鈎嘢去捐，今次係鈎BB被，捐畀Sands做悼念盒。
被仔要求一定要全白，要手織或手鈎，正方形，大約50-60cm，咩款式都得，如果自己冇idea，網站都有pattern可跟。
鈎被仔比鈎公仔需要更多時間，雖然只係重覆不停鈎，但因為面積大，所以針數都較多。
如果你都有興趣喺屋企宅住咁做義工，可以去Sands嘅網站睇吓。
https://www.sands.org.uk/get-involved/volunteer-sands/knit-sands
小妹迷上咗飢餓遊戲，睇咗成套書，睇埋戲，今次連劇場版都睇埋。
先前個劇場未起好時，小妹已經嗌去睇，一拖再拖，而家先去。
個劇場喺金絲雀碼頭(Canary Wharf)，英國嘅金融中心，倫敦版嘅中環，金絲雀碼頭同倫敦市中心真係完全兩種感覺，充滿玻璃幕牆嘅高樓大廈，真係似香港多過英國。
個劇場其實好細，就算坐最後一排，都同個舞台好近，而且呢個舞台係喺地面，並無升高。
入場唔可以帶食物，相機，一係就要掉咗佢/食咗佢，一係就被收，完場先可以領回。
之但係，其實而家部部電話都影到相影到片，電話又可以帶入場，所以個邏輯真係唔太明白。
講返套劇，如果有興趣入場，一定一定一定要做咗功課先，否則會跟唔住劇情，因為都跳得幾快，好彩我哋煲咗第一套戲先入場，完場仲有小妹解釋一D我哋睇唔明嘅地方。
睇完劇，我哋去咗附近食鼎泰豐，味道係好嘅，不過價錢偏貴，份量又偏少，間唔時食一次係可以嘅。
上星期分享咗萬母響應政府呼籲，稍為儲咗D糧，主要都係camp food，水，藥物同衛生用品。
其實除咗呢D應急物資，我哋仲儲咗D半緊急糧水，點解叫佢做半緊急呢，皆因呢D平時都會食，只係一邊食一邊入貨，令到屋企稍為有D存貨，因為呢D食品冇camp food擺得咁耐，所以要貨來貨去。
其中一樣就係juicy water，第一次飲呢隻innocent嘅juicy water係喺burger king，覺得驚為天人，解渴之餘仲有少少果汁味，唔會太甜又唔會太膩，試過之後我哋就買返屋企喇，喺超級市場間唔時會搵到，但我哋索性喺網上成底買返嚟，有D口淡淡又會飲，真係急時又可以當水飲，但應該未到緊急情況已經會畀人飲曬。
呢個牌子嘅juicy water其實有幾種口味，我哋試過曬，都係覺得apples and mangoes最好飲，而且雪凍風味更佳。
除咗juicy water, cereal bar都係另一種半緊急糧，小妹平時會拎嚟當早餐，下午茶食，但萬母會一次入幾盒，邊食又邊買，必要時又可以當糧食充吓飢。
仲有冇D咩嘢，好食好飲，平時又可以食，緊急情況又用得㗎呢？
https://www.yourcoca-cola.co.uk/p/innocent-kids-apples-mangoes-juicy-water-30-x-200ml/17028287/
英國政府又再呼籲國民囤糧喇，今次係怕惡劣天氣同網絡攻擊。
其實兩年幾前已經囤過一次，今次趁機更新吓，先前囤落嘅藥物，罐頭，大部份已經過咗期，要換過一批。
今次我哋唔再囤罐頭意粉喇，因為太難食，臨過期前本來想食咗佢，唔好嘥，點知實在太太太難食，無人肯食。
所以今次我哋揀咗囤camp food，上次去完露營覺得D camp food都唔錯，今次就入咗一批當緊急糧食，但因為要用熱水浸，所以另外再配咗個gas爐，同再囤多少少水。
除咗糧食，水同藥物，衛生用品都換咗批，濕紙巾，乾紙巾，衛生巾，漱口水。另外政府話要嘅收音機，現金都收妥。
除咗呢D，大家仲諗到有咩值得放入呢個緊急救命箱呢？
今次去葡萄牙係我哋第一次坐EasyJet，其實EasyJet畀我嘅感覺都唔錯，可以提早30日check in，check in時又會自動編埋一齊坐，唔會好似壞人航空咁，專登打散，迫你畀錢買位。
今次去程時，我哋有隻唿撞爆咗，一落地未出禁區，我哋已經喺機場櫃檯備案，拎咗個reference number，然後要喺7日內上網登記，登記完之後，佢嘅選項係以唿換唿，之後就係漫長嘅等待......
回程時，因為唔肯定機場有冇包件服務，所以我哋喺超級市場買咗保鮮紙，合三人之力，將個唿包到木乃唿咁，最後佢同佢肚入面嘅嘢都能夠安全回家。感恩感恩!
返到屋企，等咗1個月，阿新唿終於到喇，牌子係skyflite london，個唿望落去都唔錯，唯一唔好處係冇extendable，喺英國賣好似比較少見到有得extend嘅唿，anyway，有唿就用住先喇，有得去旅行就得㗎喇。
去得葡萄牙南，玩水就少不了，未出發前同好朋友AI傾過行程，佢推介咗幾個唔同嘅水上樂園，包括好出名嘅Slide & Splash同Aquashow Waterpark，但最後我哋都冇揀到AI推介，因為小妹話唔想去太刺激嘅水上樂園，所以我哋就揀咗個比較local，又可以話係比較山寨嘅Aqualand，入場費比前面提到嘅兩個平，人流亦較少，大部份設施都唔駛排隊，或者只係排一陣，如果只係想小試水上樂園嘅，可以考慮呢個，不過整體感覺就真係比較山寨，冇咩特別安全措施，亦無特別安全指引，咩都要靠自己。
https://www.aqualand.pt/en/
趁住half term放假，又出走了，今次係出走水鄉威尼斯。 今次唔係第一次坐壞人航空，但卻係第一次唔用寄艙行李，因為見佢priority bag個價錢都差唔多，仲要有得揀埋位，點知......原來壞人航空嘅priority bag係比其他航空公司嘅hand carry細，好彩嘅...
