小學雞流感疫苗

英國政府每年都會透過學校幫學童打流感疫苗，而且係用噴鼻嗰種，唔駛拮一針。

https://www.nhs.uk/conditions/vaccinations/child-flu-vaccine/

小妹學校喺11月初都幫佢哋噴咗鼻，噴鼻疫苗都有機會有副作用，可能會鼻塞，頭痛，疲倦，冇胃口，但好彩小妹冇咩特別反應，只係噴完當刻有D鼻塞，放學時已經冇事。但要留意，哮喘底嘅小朋友唔適合噴鼻。

萬母好記得舊年喺香港想搵噴鼻疫苗，結果冇功而回，要帶小妹去診所同醫生"捉依因"先打到針，而家喺學校簡簡單單就攪掂，真係爽。

除咗學童，大人流感疫苗又點呢？某D種類嘅人士係有免費流感疫苗，包括50歲以上長者，孕婦或其他特別身體狀況，或前線醫護人士(詳見下面條link)，呢D人都可以去搵GP/藥房免費打針，至於普通人士就要自費喇，大約£10-20/支。

https://www.nhs.uk/conditions/vaccinations/flu-influenza-vaccine/