因咩解究等到除夕先講christmas pudding呢？
主要原因都係pat痕同貪特價。
聖誕前見到christmas pudding已經想試，因為未試過嘛，人一世物一世，點都要試吓係咩東東嘅。
雖則聖誕前嘅售價都唔算貴，聖誕後半價就更抵，所以呢，咪等到聖誕後特價先買嚟試囉。
好明顯，萬母買野都係好隨心嘅，冇特別睇清楚，返到屋企先發現呢D christmas pudding唔係即食嘅，係要煮嘅，要蒸30分鐘。
蒸完一開，提子乾陣香味已經撲出嚟，成舊pudding都係好濃郁嘅提子乾味，唔係難食嘅，但可惜萬母唔特別鍾意提子乾，所以christmas pudding同mince pie都唔係心水喇，都係食返朱古力味算喇。
呢個christmas pudding都可以用嚟總結2021年，就係"勇於嘗試嘅一年"，好多新事物要試，活咗幾十年未做過嘅都要試。
💰💰超市行情：💰💰
Christmas pudding £0.49 (聖誕後特價)
除咗生日食蛋糕，聖誕都食蛋糕，本來想買聖誕樹頭蛋糕，但太大舊，放棄咗，點知就得到一個朱古力慕思蛋糕。
呢款喺超市喺放冰櫃嘅，食前要先解凍，朱古力啱晒萬能家嘅口味，呢款朱古力慕思蛋糕仲要唔太甜，我哋一口氣食咗大半個，距離聖誕肥胖又邁進一步喇。
https://www.tesco.com/groceries/en-GB/products/261008108
#愛心蛋糕
歡迎嚟到小妹英語教室。
入去鹿莎，本打算買多盒屋仔曲奇，可惜冇晒貨，最後改買屋仔薑餅人音樂盒。
趁住仲有機會四圍貢，周圍去睇傢俬用品，見到間homebase，初時以為係超級市場，點知原來係B&Q嘅friend，入面除咗買DIY用品，仲有傢俬，燈飾，廁所，廚房，連木條同門都有得賣。
仲有埋garden center，賣花園用具，連花園間shed都有得賣，真係好多野睇，好多野學。
https://www.homebase.co.uk/
攪掂個廚櫃未係結局，仲有個檯面(worktop)要揀。
worktop都有好多選擇，詳見下面連結，有清楚解釋每種嘅好壞處。
https://www.realhomes.com/buying-guides/best-kitchen-worktops
平價選擇有laminate，易打理，可以扮貴價野，壞處係超平價嘅laminate有機會好睇唔好用，好易會刮花刮爛。
貴價選擇有麻石(granite)，易打理(每10年要reseal)。
另一貴價選擇有石英(quartz)，比麻石更易打理，唔駛10年處理一次，因為係人造石，表面冇細窿，所以防菌。比麻石更耐用，但冇咁耐熱。
除咗呢3項，其實仲有實木(難打理，唔耐水)，玻璃(易印指紋)，不鏽鋼(似餐廳廚房)，大理石(易刮花)揀嘅，但都唔適合我哋屋企。
以下係worktop網站，可以要free samples，又可以upload廚房張drawing plan去報價。
有laminate samples
https://www.hcsupplies.co.uk/kitchen-worktops
有laminate samples
https://www.laminatekitchenworktops.co.uk/
有quartz samples
https://yandsmarble.co.uk/worktops/
有quartz samples
https://www.caesarstone.co.uk/
Builder介紹我哋出去買worktop，去到竟然係一個露天石場，職員先問我哋想揀咩顏色，再問我哋想要幾厚，20mm定30mm，我哋係揀咗20mm嘅，因為比較普遍，睇完sample就去睇大石，真係有非一般體驗~~~
其實廚櫃公司都有worktop賣，唔想煩可以一次過喺廚櫃公司攪掂佢。
小妹學校嘅草地時不時都有一群鵝出沒，就算係返學時間人山人海，佢哋都一於少理，依然悠然自得。
又係超市蛋糕系列，見到就到期嘅特價蛋糕，就忍唔住買咗喇。
難得出咗城，當然趁機四圍貢吓，趁住聖誕就去吓Chirstmas Market。
地方比想像中細，貨品種類亦比想像中少，感覺有D似香港嘅花市，但地方細D，同埋賣食物多過賣精品，D精品係幾別緻嘅，但未吸引到萬母駛錢，最後兜咗個圈，到此一遊就走咗喇。
如果未去過Christmas Market都值得去見識吓嘅，或者睇吓東方昇條片都可以。
https://www.christmasinleicestersquare.com/
知慳識儉嘅萬母又係等有優惠先買飛睇舞台劇，今次係買大送細，抵到爛。
先前睇trailer已經覺得好攪笑，會好睇。
故事係講一個11歲嘅細路嫌自己阿嫲好悶餅，點知無意中發現阿嫲係個珠寶大盜，之後仲夾埋阿嫲一齊去偷珠寶。故事有笑位又有感動位，好值得去睇，亦適合細路(高小或以上程度)去睇。
呢套劇萬母同小妹都推介，除咗笑之外，亦會睇到眼sip sip。
倫敦show直至1月9日。
https://www.ucl.ac.uk/culture/whats-on/gangsta-granny
其他城市嘅show可以睇以下連結：
https://www.atgtickets.com/shows/gangsta-granny/
https://www.birminghamstage.com/shows/gangsta-granny/about-the-show
廁具都係一個煩惱，明明望落去個個差唔多，但偏偏又好多要揀。
先講浴缸(bath)，如果喺香港，個浴缸晨早就消失咗，但英國屋點都唔會冇浴缸，所以我哋裝修完都會放翻隻浴缸喺浴室，builder嗌我哋揀steel bath唔好揀plastic。
再講企缸(shower tray)，企缸我哋要揀夠深嘅，皆因小妹好享受沖涼，淺得濟好易水滿，繼而浸浴室，到時就麻煩喇，原來個去水位嘅隔都要揀，萬能生要專登揀個隔到頭髮又易清理嘅。
企缸個玻璃幕(shower enclosures)，唔同牌子個價都好大分別，builder建議我哋用Merlyn(牌子名)，話佢自己屋企試過唔同牌子，最後都係用呢個牌子最耐用，起初builder話我哋自用，揀個8mm厚嘅會耐用D，又冇咁易搖晃，但8mm實在太貴喇，差唔多成皮野港紙，最後都退而求其次，揀個6mm就算。
唔好睇少個馬桶，原來都九萬幾款可以揀，好彩builder指明要揀back to wall，叫做縮窄咗範圍。而萬母自己又鍾意soft close，個廁板會慢慢閂埋，唔會bang一聲。阿sales哥哥又話rimeless係新款沖水方式，易洗D，講咗一輪，究竟揀咗D咩都唔係太清楚，只知有個坐到嘅馬桶。
到洗手盆(basin)，淨係個盆都已經千變萬化，我哋傾向有個儲物櫃喺盆下面，所以揀vanity unit，但舖頭嗰D貴到hihi，ikea又話質量唔好，最後我哋係上網買。
水龍頭嗰D全部都要揀，真係揀到人都癲，唯有縮窄範圍揀Grohe(牌子名)，而萬能生又有特別要求，所以萬母都唔理喇。
#我想只沖個靚涼
#我只想路路暢通
建議去舖頭睇實物之前，先上網做吓功課，睇吓個價位先，我哋第一次落舖頭睇時就係冇做功課，結果得個吉，之後唯有速速上網惡補。以下係幾間廁具嘅網站。
https://www.victorianplumbing.co.uk/
https://www.betterbathrooms.com/
https://www.drench.co.uk/
https://www.plumbworld.co.uk/
偶然喺網上見人講呢本雜誌，見口碑唔錯，想買本嚟睇吓，點知搵勻各大超市都唔見有賣，最後都係上網買咗一本試讀。 睇過實物之後，覺得真心正，值得訂閱。 呢本雜誌嘅目標讀者係8-14歲嘅青少年，但萬母覺得大人都啱睇，特別係我哋呢D母語唔係英文嘅大人，因為有D生字，佢會配有英文解釋。 雜誌...
