歡迎嚟到小妹英語教室。
聖誕假期間,萬母同小妹一齊喺Netflix搵野睇,睇見一D聖誕電影,小妹指住其中一套話喺學校睇過,萬母問小妹個戲名"Nativity"點解,殊不知被小妹笑咁都唔識,發奮圖強嘅萬母當然即刻求教google大神喇。
Nativity解耶穌誕生,亦可以稱為聖景,或者指聖誕時嘅耶穌降生劇。
先講套電影Nativity!,講一個舞台劇演員去咗小學教書,並負責籌劃聖誕劇,佢教嗰班係邨校學生,全部都岩岩巉巉,而個小學老師因為唔想喺老朋友面前認衰,就講大話話荷里活會去佢學校拍佢套聖誕劇,攪到滿城風雨,但合家歡電影當然係大團圓結局,更帶出班岩岩巉巉嘅細路其實各有所長,只要好好發掘好好指導,一樣可以有非凡嘅演出。
套電影總共有4集(萬母只睇咗第1集,小妹話佢喺學校睇咗2集),輕輕鬆鬆,都適合聖誕節無公共交通工具,留喺屋企無聊時睇嘅。
Nativity@Netflix
https://www.netflix.com/title/70129178
🎄🎄今日係聖誕佳節,萬能家祝大家聖誕快樂!主恩滿溢!🎄🎄
👼👼因有一嬰孩為我們而生,有一子賜給我們,政權必擔在他的肩頭上。他名稱為奇妙、策士、全能的神、永在的父、和平的君。他的政權與平安必加增無窮,他必在大衛的寶座上治理他的國,以公平、公義使國堅定穩固,從今直到永遠。萬軍之耶和華的熱心必成就這事。(以賽亞書 9:6-7) 👼👼
https://www.youtube.com/watch?v=Ec16CrfyIis
沒有留言:
發佈留言