小妹學校嘅草地時不時都有一群鵝出沒,就算係返學時間人山人海,佢哋都一於少理,依然悠然自得。
小妹話就算小息時間,班鵝都仍然留喺草地,仲會間唔時扭吓屁股,拍吓翼。
雖然萬母每次見親D鵝都會聯想起焗爐同燒鵝,但其實人類同動物係可以共存嘅,唔駛吓吓趕盡殺絕,人道毀滅嘅。
放學時,萬母問小妹返學開唔開心,小妹答好開心,原因有三:
1. Good friends
2. Fun learning
3. Yummy food
感恩感恩,原來萬母嘅差劣廚藝都係小妹開心返學嘅原因之一,要繼續保持水準先得。
返埋今日學,就開始放聖誕假喇,希望2022年順利開學喇,已經係咁吹停課風聲喇,阿媽表示頭都大埋,但唔理得咁多喇,放埋個假先算喇。
沒有留言:
發佈留言