薯仔粒炒肉碎

買咗一大袋薯仔，要努力清咗佢，除咗瘋狂煲蕃茄薯仔湯外，仲要將薯仔加入日常餸菜中。

萬母曾經諗過薯仔絲炒薯仔粒，或者係煎薯扒，多謝多方友好嘅建議，第一個成功嘅餸式係薯仔粒炒肉碎。

1. 將薯仔切粒，浸水15分鐘 (網上話係要浸走D澱粉質)

2. 用雞粉，麻油，生抽，胡椒粉醃肉碎 (唔小心倒多咗胡椒粉，但小妹反而好受落)

3. 先將薯仔粒落鑊炒

4. 後加肉碎一齊炒

5. 食得

小妹都幾滿意呢味薯仔粒炒肉碎，薯仔粒切得夠細，佢哋較容易接受。