英國嘅正常時間返嚟喇,3月份時被偷走嘅1個鐘,終於都還番喇。
尋晚零晨2點,全英國都時光倒流一個鐘,返翻去零晨1點鐘,結果今朝就可以瞓多一個鐘喇。
而香港同英國嘅時差又變返8個鐘喇,喺英國開工時間,香港已經收工喇。
電腦/智能電話,呢D能夠上到網嘅裝置,會自動轉冬令時間,而其他鬧鐘/焗爐鐘等,就要手動改時間喇。
正式進入日短夜長嘅冬天喇,又要睇住個太陽出嚟,又要4點半就天黑喇。
英國嘅正常時間返嚟喇,3月份時被偷走嘅1個鐘,終於都還番喇。
尋晚零晨2點,全英國都時光倒流一個鐘,返翻去零晨1點鐘,結果今朝就可以瞓多一個鐘喇。
而香港同英國嘅時差又變返8個鐘喇,喺英國開工時間,香港已經收工喇。
電腦/智能電話,呢D能夠上到網嘅裝置,會自動轉冬令時間,而其他鬧鐘/焗爐鐘等,就要手動改時間喇。
正式進入日短夜長嘅冬天喇,又要睇住個太陽出嚟,又要4點半就天黑喇。
拆曬D野之後,builders第一樣做嘅就係起個extension。
圖1可見兩幅磚牆中間有D類似海棉嘅物料,呢D就係傳說中嘅insulation,靠佢哋嚟令到間屋保暖。
圖2係已經完成個外型,留咗嘅窿窿係遲D安裝門窗嘅。
整extension係包咗基本嘅窗同french door,但如果想新潮,想轉bi-fold door係要加錢嘅,天窗都要另外加錢。
起好個extension之後,空間大咗,但荷包細咗。
我哋屋企有切生日蛋糕呢個傳統,就算分隔十萬八千里,都可以一齊切切蛋糕,多謝科技發達,拉近咗距離。
呢個朱古力蛋糕都係超市出品,超濃郁嘅朱古力味,如果食細細舊係好正嘅,小妹超愛,仲要大大舊咁食。
原來超市嘅蛋糕都唔係咁差啫,繼續生日,繼續試唔同口味。
💰💰超市行情:💰💰
比利時朱古力蛋糕 £2.75
喺英國,某D日子係可以合法地買煙花同放煙花嘅:
🎆每年10月15日至11月10日
🎆每年12月26日至31日
🎆印度排燈節及農曆新年前3日
而放煙花都有時間同地點限制,半夜11點至第二朝7點都唔可以放煙花,除咗:
🎇篝火之夜(即11月5日)可以放到半夜12點
🎇除夕夜,印度排燈節及農曆新年可以放到零晨1點
唔可以喺公眾地方放煙花,自己花園屬私人地方就可以喇。
煙花分4類,第2-3類屬成人煙花,要18歲以上先買得,第4類屬專業煙花,唔係隨便買到。
各大超級市場已經有煙花買喇,最溫和嘅係滴滴金(sparklers),勁野可以射上天嘅都有,想趁吓英國嘅熱鬧,係時候喇。
https://www.gov.uk/fireworks-the-law
💰💰超市行情:💰💰
細滴滴金 £0.5/5支
大滴滴金 £1/5支
因為口痕,想食西米露,因為pat痕,買咗大粒西米,每煲10分鐘焗15分鐘,結果煲足幾個鐘先煲得淋,下次都係買番細西米算喇。
煲完西米先發現屋企冇冰糖,是但用砂糖就算,有得食過吓癮就算,下次都係唔好咁痕。
#中式甜品係comfortfood
#減肥係終身職業
#食完再減
上回講到,英國嘅車牌路試分5部份。
第一部份係考眼力(讀20米以外嘅車牌號碼)。
第二部份係"show me, tell me",詳見上回文章。
https://www.facebook.com/permalink.php?story_fbid=302439665018988&id=106304157965874
第三部份係普通駕駛能力測試,考官會話你知轉左,轉右,直行,聽指示做就得,喺呢部份考官會隨時叫你停埋路邊再開車。
第四部份係倒車,呢部份有幾樣動作可以考,考官只會揀其中一樣。
路邊泊S位(parallel parking)
停車場泊車(尾入頭出/頭入尾出)(bay parking)
路邊泊到右邊,再倒車兩個車位,之後再開車(pull up on the right-hand side of the road)
以下片段係教pull up on the right-hand side
https://www.youtube.com/watch?v=7OB6z0HzF7Y&list=PLnM8RR0dumuaXANGQjdhcPgMkqgrv3OT_&index=6
都係嗰句喇,如果全條街冇車,其實慢慢嚟係可以做到嘅,但周圍都有車有人時就有壓力喇。都唔知希望考官到時考邊樣,只希望發揮到應有水準就夠喇。
以下係廣告時間:
https://www.youtube.com/watch?v=QlVK2Nazc_E
小妹對Jus Rol - Pain au chocolat"愛不釋口",而且價錢又抵,所以萬母買咗另一味道,Cinnamon swirls 肉桂卷返屋企試。
呢個肉桂卷仲簡單,切開一碌一碌去焗就得,仲有埋icing畀你,不過我哋嫌甜就冇落。
其實呢個肉桂卷都好香好好味,不過小妹就對肉桂味冇咩興趣,所以只係淺嚐就算。
💰💰超市行情:💰💰
自焗肉桂卷 £1.5
施比受更為有福,為咗畀小妹明白呢個道理,我哋參加咗聖誕鞋盒活動,小妹每人準備一個聖誕鞋盒(禮物盒)去送畀貧窮地區嘅小朋友,入面放咗隻毛公仔,顏色筆,衛生用品(牙刷,肥皂,毛巾,梳,襪)等等,小妹仲親手寫咗張卡,希望為遠方嘅她送上祝福。
如果想知更多聖誕鞋盒詳情,可以去下面個網站。有清楚指示,可以放咩同唔可以放咩(液體,食物等等)入去。如果唔方便去準備鞋盒同入面嘅物資,亦可以上網直接贊助一個鞋盒。
https://www.samaritans-purse.org.uk/what-we-do/operation-christmas-child/
小妹話佢哋嘅鞋盒會送畀個女仔(可以自己揀性別同年齡,方便準備物資),要求萬母帶佢哋去玩具店揀禮物,結果去到玩具店,佢哋主要睇自己鍾意嘅玩具,萬母覺得自己畀人呃咗添。買咗隻毛公仔返嚟,小妹話佢自己都好鍾意,可唔可以自己要喎.......唉.......
裝修第一步就係拆野,全屋入牆櫃,廚櫃,浴缸,通通都要拆,拆咗嘅野會放喺屋門前嘅一個斗(英文叫skip),最後運走處理,租skip都要錢,拆出嚟掉又要錢,總之通通都係錢。
喺拆野期間,我哋同裝修師傅傾,連煙囪都拆埋佢,因為我哋根本唔會喺個廳度燒柴/炭取暖,連燒gas都唔會,廚房冇明火,客廳更加唔會有明火,呢個係我哋嘅個人喜好,但其實某D英國人係會好重視個煙囪,會覺得係寶嚟嘅,只係我哋唔慣用,掉空唔用一來阻位,拆咗佢拉直咗幅牆,將來擺位會方便D,二來有個窿反而容易有水氣(damping),所以最後我哋都係決定拆咗個煙囪位。
圖為原本嘅煙囪牆。
唯一擔心係,無咗個煙囪,聖誕老人仲識唔識入屋呢?
倫敦唐人街嘅河粉廠,除咗有出名嘅河粉,仲有腸粉。
今次仲要係專人送上門嘅愛心粉,食咗除咗肚仔暖,連心都暖埋。
本來想買埋麻醬甜醬,可惜無功而回,清蒸加鮮醬油都一樣好味。
小妹見到桌上呢碟腸粉,專登問萬母:咩嚟㗎?未食已經嫌棄定,但試咗一口就搶住要,結果萬母只被分配得大半條。
同場加映魚旦河,以萬母嘅手殘技術,白雪雪嘅魚旦河一樣受小妹青睞,睇嚟搵日要親身去河粉廠朝聖先得喇。
嚟英國之前,專登檢查咗D牙先,所以到步後遲遲都未搵牙醫。
牙醫唔同GP(家庭醫生),唔一定要喺catchment area入面先收症,只要佢肯收就得,但查實係好多牙醫都唔收新症,特別係NHS新症,萬母問過其他牙醫,有D話等年尾再聯絡,睇吓有冇新症位。
好彩最後都喺屋企附近搵到個牙醫肯收新症,不過就要排個幾月先睇到。
下面個NHS網站輸入postcode就可以搵到附近有咩牙醫,仲可以睇到其他人嘅comments,知道個牙醫多唔多負評。至於收唔收新症,就要自己打電話/寄email去問喇。
https://www.nhs.uk/service-search/find-a-dentist
第一次睇症,其實只係做普通檢查,牙醫主要係數吓有幾隻牙,望吓D牙就檢查完畢,小妹係18歲以下,所以費用全免,牙醫檢查完之後話冇咩大問題,只要keep住早晚刷牙,用大人牙膏,食少D朱古力同糖,一年之後再檢查就得。
萬母已經過咗18歲,又唔屬於其他受資助組別(例如:孕婦/長期病患,詳見附圖),所以要自費睇牙,數牙仔加兩張X光片,總共£23.8,屬於NHS band 1 course of treatment(最基本)。本來預期會洗埋牙,或者要約下次洗牙,但牙醫話唔駛洗住。可能因為係用NHS patient身份,所以就簡單D,先前已經聽人講過NHS patient同private patient嘅待遇係唔同嘅。
牙醫叔叔問我哋上一次係幾時睇牙,喺邊度睇,我哋答咗"香港"之後,佢就問"香港係咪發生咗咩事?最近收多咗好多香港patient",親善大使萬能生就同牙醫叔叔講呀講,仲講到去揀學校,考11+添。
下面個網站有列明NHS牙醫嘅3類收費同所包嘅項目,band 1 £23.8 (檢查,口腔護理諮詢等等),band 2 £65.2 (補牙,剝牙等等),band 3 £282.8 (假牙,牙橋等等)。
https://www.nhs.uk/nhs-services/dentists/dental-costs/understanding-nhs-dental-charges/
喺英國睇牙真係唔算平呀,用埋私家價睇仲貴,真係要小心保護牙齒先得,by the way,洗牙係搵Hygienist做deep scale/deep clean。
小妹好鍾意人哋阿媽整嘅炆米粉,所以萬母就要求教一下。
英國嘅Black History Month(黑人歷史月)係每年嘅10月,當初係為咗紀念非洲同加勒比海移民對英國嘅貢獻。時至今日,已經唔止係非洲人同加勒比海人,而係所有黑皮膚嘅人。
又係懶人飯系列,今次用三文魚,再加蝦,帶子,整個蕃茄海鮮飯。
今次嘅海鮮材料冇先前嘅雞肉/牛肉咁多水,所以煲出嚟嘅飯比較乾,下次可以加多個蕃茄等佢多汁D。
萬母覺得呢個三文魚飯都幾好食,但小妹又呱呱叫話唔鍾意食三文魚。
Okay,意見接受,態度照舊,下次仍會繼續煮三文魚,食唔夠魚會蠢㗎嘛。
Bonfire Night(篝火之夜/焰火節)又叫做Guy's Fawkes Night。
//焰火節的由來是因為1605年11月5日,一位名叫Guy Fawkes的教徒,因不滿當時的英國迫害並限制宗教自由而起義,在國會地窖放置兩噸的火藥,打算在國會大廈落成的這一天,目標鎖定所有國會議員,以及當時的英國國王詹姆斯一世,也就是所謂的「火藥陰謀」(Gun Powder Plot)。
不過計劃最終失敗,Guy Fawkes被判死刑。當時國王詹姆斯一世發佈詔令,稱11月5天為「the joyful day of deliverance」,這項詔令直到1859年才失效。但此後,歷代英國君主仍都借著11月5日提醒英國人不要忘記這段「叛國賊」的歷史。
於是,在這一天,人們把幹稻草或舊報紙塞進衣服和褲子裏製作成Guy Fawkes的假人,並把這些假人扔到火中焚毀。英國各地還會舉行煙花表演,家長也會幫小朋友買焰火,在家裏花園施放,不是中國的傳統炮竹,而是像一飛衝天的爆炸聲。//
https://www.bbc.com/ukchina/trad/cool_britannia/uk_qa/2015/11/151104_qa_bonfire_night
時至今日,呢個日子已經變成煙花日,11月初嘅一個星期,全英國好多地方都有煙花匯演,甚至有D學校自己攪煙花party添。下面條link就列咗唔同嘅煙花活動,有興趣可以去買飛參加,感受吓現場嘉年華會嘅熱鬧氣氛,又可以近距離睇煙花。
https://www.list.co.uk/events/fireworks-display/#results
張相喺舊年除夕喺屋企窗口影嘅民間煙花。
搵咗architect畫圖,等緊council批嘅期間,其實已經可以搵builders報價。
但D builders通常會話,未有structural design,個報價只會係約數。
D builders通常會先做site visit,然後再報價,快則1星期有個回覆,慢則一去冇回音。
萬能家大大話話都搵咗5-6個builders報價,其實報返嚟嘅價都大同小異,不過有D會仔細D,有D就概括D,有D就只係畀個lump sum,都係人夾人緣,百貨應百客,個個需要同喜好都唔同,好難一概而論。
但要留意,如果個builders唔係斷job計,係斷日計就要小心,因為佢拖住嚟做,越做得耐就越貴。
另外,真係要搵D可信嘅builders,最好有朋友用過嘅,因為有故事真係做到一半走咗佬,唔見人,間屋爛尾收場。
如果真係搵唔到朋友介紹,唯有上網睇清楚人哋嘅comments,睇吓邊個多好評喇,以下係搵builders網站。
https://www.mybuilder.com/builders/in/uk
其實當council將個application放上網時,有好多自來蜢builders會寄信嚟,但我哋全部ignore晒,一來朋友話呢D通常都收得好貴,二來三唔識七完全冇reference真係唔知可唔可靠。
最終我哋都係搵咗朋友用過嘅builders,好彩夾到個期開工,感恩感恩!希望一切順利!🙏
較早早早前曾經分享過升中派位機制(見下面條link),每年10月,year 6(小學最後一年)嘅學生就要向council入紙申請中學。
升中派位機制(倫敦限定)
https://www.facebook.com/permalink.php?story_fbid=151763053419984&id=106304157965874
倫敦地區有6個選擇,雖然冇香港30個咁多,但要揀6個都要花D心機嘅。除咗去刨學校網頁之外,每年9-10月嘅開放日係好機會,可以去參觀學校,聽校長講野,再去見吓D學生,感受吓成間學校。
School tour都有分日間上堂時間同黃昏時間,萬母自己就比較鍾意日間去,因為可以睇吓學生嘅上堂情況,小息情況,感覺全面D,少D添加。
雖然未輪到小妹揀學校,但盡責嘅書僮都趁機去參觀吓學校,唔同學校嘅感覺真係唔同,有校舍好新好潮嘅,有充滿古典氣息,入到去嘅感覺似返到萬母中學時代咁嘅,亦有成個走廊掛滿英國著名女性相片嘅女校。
英國嘅中學生除咗要讀英文之外,仲要讀多科外語,有D學校硬性規定讀法文,有D法文/西班牙文二選一,有D就初中要讀晒兩種文。
萬母問帶隊參觀嘅同學仔,係咪要讀cookery同needlework,同學仔好似望見外星人咁望住萬母,隔離個家長就提萬母,而家唔係咁叫,係food technology。好明顯係有代溝同文化差異喇。
如果錯過咗今年嘅開放日,可以試吓上校網,因為疫情關係,好多學校都將校長講座嘅錄影放咗上網,亦有好多科目介紹都放咗上網畀人慢慢睇。
做人阿媽真係需要好多智慧,又要睇吓學校好唔好,又要睇吓適唔適合自己個細路,仲要睇個細路鍾唔鍾意,最慘仲有代溝同文化差異,真係要惡補吓先得。書僮們,共勉之!
教養孩童,使他走當行的道,就是到老他也不偏離。(箴言22:6)
喺英國揸車,除咗要學識用迴旋處,仲要學識meetings。
meetings係指對頭車相遇。呢D情況通常都喺窄路(單線雙程行車)出現,或者係條路兩邊泊滿車,由雙線變成單線。
萬母覺得meetings都幾難,因為要臨時預早準備,臨時~因為路面情況秒秒唔同,要睇情況而定; 預早~因為離遠見到有對頭車,就要即時決定點處理,究竟要讓車定等人讓。
本身揸住架車已經好勉強,仲要花精神去睇去計劃,更加吃力。要令自己進步,除咗去練多D車之外,唯有睇youtube片,模擬吓實際情況。以下3條youtube片,萬母都覺得幾有用。
老師講野比較快,但幾有用,會highlight埋有咩避車位可用
https://www.youtube.com/watch?v=vgj0D_PBYQY
片尾有練習sample
https://www.youtube.com/watch?v=rI5oFfvQsQ8
前半部講理論,後半部有例子,適合想從理論開始了解嘅人
https://www.youtube.com/watch?v=czgmtYWaKJ0
以下唔係揸車事,純係廣告時間。呢個version比之前嗰個更好聽呢!
https://www.youtube.com/watch?v=odz8oTjSLlc
小妹好鍾意食一種叫Pain au chocolat嘅朱古力麵包,外面似牛角包嘅酥皮,入面有朱古力。
萬母偶然喺超市嘅雪櫃發現呢種自焗Pain au chocolat,就買嚟試吓。
做法好簡單,跟指出搣開個罐,再將朱古力條卷入麵團入面,放入焗爐焗12分鐘,咁就有新鮮嘅出爐麵包食。
小妹自己睇指示,一手一腳都攪得掂,佢哋話好正,一定要翻炒。
💰💰超市行情:💰💰
Jus Rol - Pain au chocolat £1.5
又係入實驗室煲蘿蔔湯系列,今次因為屋企冇晒其他材料,萬母就幫D蘿蔔搵咗新朋友~蘋果。
其實蘋果湯都幾好飲,不過有埋雪梨就更加好喇,但萬母又冇喺超級市場見過雪梨嘅蹤影,只見過啤梨。
Any肥,蘋果紅蘿蔔湯都係飲得落口之選,又可以放入菜單,loop住煲。
MOT即係Ministry of Transport,喺英國,新車落地三年後,每年都要驗車。
雖然萬能家買咗花栗鼠(小妹幫架車改嘅名)唔夠一年,但佢都夠期驗身喇。萬能生揀咗屋企附近嘅連鎖車房,貪佢明碼實價。
MOT £33
Full service £166
因為花栗鼠個brake唔係幾靈敏,所以整brake整得最貴,要£308。
朝早去放低架車,黃昏就可以拎番,都算方便。
喺官網只要輸入車牌號碼(number plate),就可以知道架車每年嘅MOT歷史,有冇野壞過,同埋下次幾時要做MOT。
https://www.gov.uk/check-mot-history
記住,車仔滿三歲就要年年驗車,令你放心喇。
趁住天氣未凍晒,繼續四圍貢。今次去野生動物園,園內主要分兩區,一區係road safari,要揸車先入得,入面有好多唔同種類嘅動物,包括:獅子,老虎呢D猛獸,呢區講明要閂門閂窗,同埋開蓬車唔入得,好彩嘅話會見到佢哋喺車旁行過,甚至馬騮會跳上車頂,坐陣順風車。我哋遇到斑馬喺車邊路過,又遇到兩獅喺車頭搶肉,不過就吸引唔到馬騮嚟坐順風車喇。
除咗Road safari,仲有另一區係foot safari,呢區就係溫馴動物,靠人腳自己行去睇,園內有餐廳,甚至有攪婚禮嘅宴會餐。
園內除咗動物,仲有個leisure area,又係七彩長滑梯,入場費已包以上幾區,road safari仲要同日無限次入場,想睇多幾次動物或者兜多幾次風都可以。
野生動物園仲有go ape,不過今次我哋就冇玩喇。
https://www.woburnsafari.co.uk/
入場費:
大人 £27.5
細路 £20
偶然喺網上見人講呢本雜誌,見口碑唔錯,想買本嚟睇吓,點知搵勻各大超市都唔見有賣,最後都係上網買咗一本試讀。 睇過實物之後,覺得真心正,值得訂閱。 呢本雜誌嘅目標讀者係8-14歲嘅青少年,但萬母覺得大人都啱睇,特別係我哋呢D母語唔係英文嘅大人,因為有D生字,佢會配有英文解釋。 雜誌...