小妹好鍾意人哋阿媽整嘅炆米粉,所以萬母就要求教一下。
1. 煲滾水,熄火
2. 將米粉放入滾水中,浸幾分鐘直至米粉變淋,撈起備用
3. 將肉碎炒熟
4. 加入米粉炒勻
5. 加入萬字豉油做調味,食得
萬母一直都唔知,原來米粉係要浸唔係烚嘅,本來想整茄子肉碎炆米粉,但去到超市唔記得買茄子,但明明D茄子喺眼前出現咗3次,去到唔同貨架都見到茄子,就係偏偏唔記得買。唔緊要喇,留番下次再試茄子肉碎炆米粉。
呢個肉碎炆米粉都唔算難整,但係D肉碎同米粉一直都friend唔到,撈極都唔勻,分到離行離迾咁,好彩小妹都食得好滿足,豉油應記一功。BB版煮法適合手殘人士或地獄廚神。
沒有留言:
發佈留言