回復正常英國時間

英國嘅正常時間返嚟喇，3月份時被偷走嘅1個鐘，終於都還番喇。

尋晚零晨2點，全英國都時光倒流一個鐘，返翻去零晨1點鐘，結果今朝就可以瞓多一個鐘喇。

而香港同英國嘅時差又變返8個鐘喇，喺英國開工時間，香港已經收工喇。

電腦/智能電話，呢D能夠上到網嘅裝置，會自動轉冬令時間，而其他鬧鐘/焗爐鐘等，就要手動改時間喇。

正式進入日短夜長嘅冬天喇，又要睇住個太陽出嚟，又要4點半就天黑喇。