河粉廠

倫敦唐人街嘅河粉廠，除咗有出名嘅河粉，仲有腸粉。

今次仲要係專人送上門嘅愛心粉，食咗除咗肚仔暖，連心都暖埋。

本來想買埋麻醬甜醬，可惜無功而回，清蒸加鮮醬油都一樣好味。

小妹見到桌上呢碟腸粉，專登問萬母：咩嚟㗎？未食已經嫌棄定，但試咗一口就搶住要，結果萬母只被分配得大半條。

同場加映魚旦河，以萬母嘅手殘技術，白雪雪嘅魚旦河一樣受小妹青睞，睇嚟搵日要親身去河粉廠朝聖先得喇。