考慮左好多唔同因素，最後萬能家決定聖誕前以LOTR入境。
喺出發前幾日，英航被停飛香港，幸好香港出發嘅航班照常，感恩！
萬能家就係咁帶住4個大喼，4個細喼，4個背囊同埋滿滿嘅祝福離開香港喇~
機程13個鐘頭，其實都幾難捱，仲要疫情期間心理壓力更大，臨上機捉兩小妹去定洗手間，叮囑佢地盡量少用飛機嘅廁所，盡量少食野，唔好隨便除口罩，佢地出奇地合作，直到落機先直奔機場廁所。
航班比預期早左少少到達，但因為要聽指示跟座位行數落機，再加上我地手腳慢，我地差唔多係全機最遲去排隊入境嘅家庭，搭無人列車時甚至可以包廂
。
。拎住BNO係要排Others隊嘅，人籠都幾長吓，兩小妹一邊排一邊呻攰，萬母一邊排一邊盤算點樣對答，因為之前有KOL話LOTR難左好多，要問好多問題，所以都有少少擔心，萬一唔成功咁點算呢？
雖然係半夜，但Others隊都幾多人，關員們見勢色唔對都加開櫃位
排左差唔多45分鐘，終於到我地喇。萬母先遞上BNO同特衰護照，再加埋locator form(記得要喺到埗前48小時內填好張form，每大人一份，細人資料跟大人一齊，最好print埋出黎，方便關員檢查)。
萬母都未開口話想要LOTR時，關員已經主動問係咪要LOTR(出門遇天使
)，萬母即刻𦧲飯應喇，之後按要求遞上boarding pass，bank statement同結婚證書，只見關員用手提電話影D文件，跟住就直接喺4本護照上蓋印，完全唔駛坐低等或等大sir批，10分鐘一剔過就攪掂左，實在超乎預期。
)，萬母即刻𦧲飯應喇，之後按要求遞上boarding pass，bank statement同結婚證書，只見關員用手提電話影D文件，跟住就直接喺4本護照上蓋印，完全唔駛坐低等或等大sir批，10分鐘一剔過就攪掂左，實在超乎預期。本身有一個香港家庭排我地前面，去左另一個櫃位，最後都要排翻去我地同一櫃位嘅後面，又有第二個家庭要坐低喺櫈等，更有第三個家庭比我地早早埋櫃位，但到我地離開時都仲攪緊，感恩我地出門遇天使
。
。為左LOTR，我地都預備左好多文件，仲將重要嘅資料highlight定，例如張bank statement highlight左個名，銀碼同貨幣等等。
1. BNO護照
2. HK身份證 (無睇過)
3. 小妹們出世紙 (無睇過)
4. 結婚證書
5. 3個月嘅存款證明 (只睇左第一頁)
6. bnb訂單 (無睇過)
7. 英國租約 (無睇過)
8. 保險單據 (無睇過)
9. 香港嘅職業證明 (無睇過)
10. locator form
就係咁我地順利入境，跟住拎埋行李會合包車司機就直接去bnb。
就喺我地入境當晚，英國就宣佈病毒變種，要上Tier 4，跟住香港仲禁埋英國航班，雖然突如其來的lockdown都對我地有少少影響，但我地真係要再一次感恩呢，祂保守了我們的腳步。
沒有留言:
發佈留言