英國政府又再呼籲國民囤糧喇，今次係怕惡劣天氣同網絡攻擊。
其實兩年幾前已經囤過一次，今次趁機更新吓，先前囤落嘅藥物，罐頭，大部份已經過咗期，要換過一批。
今次我哋唔再囤罐頭意粉喇，因為太難食，臨過期前本來想食咗佢，唔好嘥，點知實在太太太難食，無人肯食。
所以今次我哋揀咗囤camp food，上次去完露營覺得D camp food都唔錯，今次就入咗一批當緊急糧食，但因為要用熱水浸，所以另外再配咗個gas爐，同再囤多少少水。
除咗糧食，水同藥物，衛生用品都換咗批，濕紙巾，乾紙巾，衛生巾，漱口水。另外政府話要嘅收音機，現金都收妥。
除咗呢D，大家仲諗到有咩值得放入呢個緊急救命箱呢？
沒有留言:
發佈留言