買傢俬~手尾篇

檯已經買番喇，退款又收妥喇，仲有咩手尾呢？之唔係阿子琪囉，sorry，係紙皮先啱，買左咁多新傢俬，剩左好多紙皮，點處理呢？就咁掉落垃圾桶，好唔環保喎，掉去屋苑垃圾站個回收箱(圖1)，唔係唔得，但每次只可掉少少，要閂到蓋，塞爆左攪到鄰居冇得用之餘，自己又要等下星期先再掉得。

好彩有回收中心，仲要有間喺屋企附近，朋友提醒要上網預約，第二日萬能生就帶住阿子琪去回收喇，去到會有人先check booking information，除左揸車，步行或踩單車都得嘅，只要你帶到子琪就得喇，但van仔要另外book。

check下你嗰區點回收

https://www.gov.uk/recycling-collections

萬能生話嗰度指示好清楚，搵啱位就帶子琪過去就得，一大個斗(圖3)，好多friends陪佢，除左紙皮，回收中心仲會收好多廢料，傢俬電器，衫，油，書，車呔......雖然掉去回收中心好過去垃圾站，不過最緊要都係源頭減廢。