今次呢間係1312呎嘅獨立屋，以獨立屋嚟講，呢個size唔算大。
地下有一個偏廳，另外有開放式廚房連飯廳，side extension位置除咗做咗廚房之外，仲加咗個utility room+廁所(即係馬桶旁途放咗洗衣機，乾衣機)，呢個utility+廁所其實要通過間Office先入到，間office就比較細，只係1.93 X 1.78米，坐咗喺度辦公時，連門都開唔到。
一樓係傳統間隔嘅三房一廁，冇咩特別要讚或要彈。
呢間屋嘅裝修都算新淨，成間屋都企企理理咁，如果唔要求好大嘅空間，其實都唔錯嘅。間屋對正一間男子中學，過條馬路就返到學，如果係有仔嘅家庭應該會加分。
咁呢間屋有咩唔好呢？係佢比較細，花園特別細，而且屋主整咗兩級，變得更細，最壞處係間屋對正tube軌，花園後面就已經係路軌，只要剪開鐵絲網就入到去，咁可以想像到噪音會係一個問題。
其實萬母去睇呢間屋，主要都係參考吓D裝修配色，睇吓自己嗰間點攪，今次睇完都叫有D ideas嘅。
話晒都住咗喺倫敦，為咗吸收D文化氣息，萬母一直都想帶小妹去睇音樂劇，但D飛好貴。好彩萬母登記咗londontheatre嘅newsletter，間唔時都有好介紹，見到埃及王子音樂劇特價，就決定一試。
個theatre喺central london，搭tube比揸車方便，仲要加上油荒，更加要慳住用，一出地面就已經係theatre方便到暈。
小妹喺香港都睇過兒童音樂劇，但用全英文係第一次，加上個劇都幾長，連中場休息接近3個鐘，對小妹呢D年紀都有少少吃力。好彩係埃及王子(即係摩西)嘅故事都算熟熟地，間唔時提吓小妹呢個場景即係做緊咩，佢都叫睇得明白。
講番套劇，係精彩嘅，服裝，道具，佈景，歌曲，所有都好精彩，堅係正嘅。但如果再想吸文化氣息，萬母會揀D兒童劇，劇情簡單D，時間短D，會易入口D。
先前提到萬能家本來諗住新屋只係小執，油吓牆就住得，點知拎鎖匙後嚇一嚇，攪到要裝修。
咁究竟發生咩事呢？
一，上手業主因為即日搬走，所以走得比較匆忙，變相間屋少不免留低D垃圾，雖然唔係咩大問題，但觀感已經差DD喇。
二，上手業主有養開狗，第一次睇屋時，D狗唔喺屋企，而且間屋點晒香氛蠟燭，到第二次睇屋時，見到狗仔真身，但都冇咩大發現，到最後收樓時，一入屋就聞到間屋有陣狗味，樓梯張地毯係重災區，非換不可。
三，睇屋時見到廚廁都算新淨，係近幾年新裝修，非二三十年歷史文物，咁都覺得唔錯喇，應該可以保留喇，點知當搬走D廚房電器後，發現先前嘅裝修只係整一半唔整一半，後面嘅牆磚係歷史文物，唔知係唔係前業主走得太急，廚櫃都仲有D遺物，更惶論一大堆污漬。
四，睇屋時見到兩個睡房都有入牆衣櫃，覺得係bonus，點知未收樓前聽朋友講佢屋企嘅陳年入牆衣櫃冇背板，直達牆壁，結果D衫俾蟲蛀爛咗，此時萬母已經有D不祥預感，到收樓時打開衣櫃一睇，唉......真係冇背板嘅，而且櫃入面嘅牆身又霉又黃，睇見都唔開胃，再望多兩望，發現櫃底有塊膠地墊，出於八卦，掀起膠地墊嚟睇，底下竟然有一疊報紙，仲要係2002年嘅報紙。到呢刻已經肯定個衣櫃非拆不可。
五，如果要拆入牆衣櫃，就會攪到個地板都要換，牆腳線要換，天花線要換，繼續推論落去，就係牽一髮動全身，由小執變大執。
萬母講到呢度，已經好頭暈，遲吓有機會先再update呢個project。
上回講到我哋去露營，順便釣魚，可惜咩都釣唔到。 其實喺英國釣魚係要攞牌(rod fishing licence)嘅。 喺英格蘭同威爾斯，最平係一日牌£7.30，另外仲有8日(£14.70)同12個月(£36.80)揀。 但如果係16歲以下兒童，就係免費，但13-16歲依然要上網申...
