埃及王子音樂劇

話晒都住咗喺倫敦，為咗吸收D文化氣息，萬母一直都想帶小妹去睇音樂劇，但D飛好貴。好彩萬母登記咗londontheatre嘅newsletter，間唔時都有好介紹，見到埃及王子音樂劇特價，就決定一試。

個theatre喺central london，搭tube比揸車方便，仲要加上油荒，更加要慳住用，一出地面就已經係theatre方便到暈。

小妹喺香港都睇過兒童音樂劇，但用全英文係第一次，加上個劇都幾長，連中場休息接近3個鐘，對小妹呢D年紀都有少少吃力。好彩係埃及王子(即係摩西)嘅故事都算熟熟地，間唔時提吓小妹呢個場景即係做緊咩，佢都叫睇得明白。

講番套劇，係精彩嘅，服裝，道具，佈景，歌曲，所有都好精彩，堅係正嘅。但如果再想吸文化氣息，萬母會揀D兒童劇，劇情簡單D，時間短D，會易入口D。