瑪莉皇后玫瑰園

發花癲嘅萬母先前睇過太陽花，薰衣草，鬱金香，水仙花，紫藤花，一直都想睇埋英格蘭國花-玫瑰。

終於都如願以償喇，近近哋免費入場，到此一遊式賞花去。

瑪莉皇后玫瑰園(Queen Mary's Rose Gardens)喺攝政公園(The Regent's Park)入面，免費入場，花園面積其實唔願好大(攝政公園面臨就好大喇)，如果只係想睇玫瑰，只實兜個圈仔就睇得完。如果有心機有時間，攝政公園其實可以遊足一日。

揀呢度因為車程近，而且喺玫瑰園門口就有泊車位，停車費都好化算，一落車就有花睇，睇完跳上車就走得，適合夾埋小妹出遊，等佢哋少樣嘢投訴。

英國嘅玫瑰花花期係5月底至7月，6月最高峰，不過因為今年5月已經有熱浪，D花冇想像中咁澎湃，但就叫做剔咗個to do list。