傳統年糕

先前整咗個焗年糕，既然屋企仲有材料剩，就試埋傳統年糕。

1. 煲125毫升水，煮溶125克brown sugar，倒入40毫升椰汁同15克菜油攪勻，攤涼備用。

2. 將100克糯米粉同35克澄麵粉撈勻，過篩，逐少加入糖水中，一邊加粉一邊攪勻，直至完全混合。

3. 將麵糊倒入糕盤中，隔水蒸60分鐘。

4. 攤涼後放雪櫃。

5. 切片蘸蛋汁落鑊煎至軟身。

呢種傳統年糕其實都唔算難整，只係將材料混合再加熱，有D似讀書時做化學實驗咁。

出嚟嘅成果都算成功，煎到軟軟，幾好食，可惜屋企冇咩人識欣賞，所以應該每年出一底，節日限定。