小妹真係好鍾意餵動物,今次又去另一個farm餵動物,呢個叫Farm Park,顧名思義有farm又有park,呢個farm park佔地唔算大,但係幾多野玩。
先講動物,成個farm park都有好多圈養動物,而只有barn入面嘅山羊同羊係可以餵食嘅,仲有唔同時間有唔同活動,例如:餵雞,摸兔,睇牛揸牛奶等等。如果計同動物嘅親近程度,上次去嘅Boydells Dairy Farm親密好多,但odds farm park嘅動物就比較非一般,佢養咗D稀有物種,例如:成身"狗毛"嘅雞。
呢個farm park勝在有個室內遊樂場,類似香港嘅playhouse咁,有長長滑梯,同深灣遊艇會如出一轍,小妹話個直落滑梯好刺激,萬母見到都覺恐怖,個室內playhouse每人每日只限玩45分鐘,玩完冇得encore呢。
雖然室內冇得再玩,但室外都仲有其他遊樂場,仲有沙池同玩水池等等,都一樣咁好玩。
成個farm park,佔地唔算大,所以唔會行得好辛苦,玩樂種類都唔少,我哋由朝早11點玩到晏晝5點半閂門被趕先走。
https://www.oddsfarm.co.uk/
入場費£15.95/人,屬中等價錢,唔算最平選擇。
但提一提,如果考慮入呢個farm park玩嘅朋友,最好自己pack lunch喇,雖然個farm park有餐廳,但質素真係麻麻,自己帶好過喇。
沒有留言:
發佈留言