Natural History Museum 自然歷史博物館

終於我哋都返去博物館吸吓D文化氣息，今次係去Natural History Museum。

呢個自然歷史博物館都係免費入場，但入場券比較難book，要預早幾星期book定。

https://www.nhm.ac.uk/

小妹一路都話要去呢個博物館，原因係佢喺學校學咗恐龍，所以想去博物館睇恐龍化石。

呢個自然歷史博物館比科學館更多interactive嘅玩意，所以比較適合小朋友。

博物館樓高4層，話大唔大，話細唔細，入面有介紹火山，地震呢D天氣災害，仲有地震體驗，除咗有化石，仲有寶石，本來小妹話行到腳仔軟，但一見到寶石又精神晒，女性都係鍾意D閃令令嘅野。

呢個自然歷史博物館好適合細路去，特別係小學中高年級嘅學生，因為佢哋正正喺學校學緊相關課題，配合埋校外學習就啱晒喇。