香港每年有17日公眾假期，咁英國呢邊又點呢？唔好意思，英國每年只有8日公眾假期，如下：
元旦
耶穌受難節星期五
復活節星期一
Early May bank holiday(五月第一個星期一)
Spring bank holiday(五月最後一個星期一)
Summer bank holiday(八月最後一個星期一)
聖誕節
Boxing Day
得8日公眾假期，係咪覺得慘絕人寰呢？其實對於"家居土地測量師奶"嚟講係冇咩關係嘅，最慘絕人寰嘅係學校又放term break喇，今個星期係half-term break，成個星期唔駛返學。
其實呢，英國嘅打工仔係有好多annual leave㗎，所以佢哋嘅假期係唔會比香港打工仔少。學校假期就比香港多好多，起碼由阿媽嘅角度睇係囉。
https://www.gov.uk/bank-holidays
萬母話晒都係香港填鴨式教育制度嘅產物，要讀熟筆試其實唔難嘅，但對於唔好打機嘅萬母，Hazard Perception Test就真係有D難度喇。
喺呢個試，要睇片，片段模擬揸車時嘅狀況，當有developing hazard，導致要take action(例如要煞車/轉彎)就要㩒制，反應越快就越高分。最高可得5分，㩒錯位係唔會扣分嘅，但如係被發現有規律咁狂㩒，又會變0分，呢part真係要好好練習。
呢部份總分75分，拎到44分就pass喇。
除咗官方APP，萬母仲搵咗下面嘅網站溫習。但其實唔同網站嘅片係會重覆嘅。
有1個共14條片嘅mock test，每條片仲有解釋。
https://www.theory-test-online.co.uk/free-hazard-perception-test-demo
有1個mock test，共14條片，呢個網站需要直接click落畫面上嘅developing hazard，否則唔計分，而且會即時知道click得啱唔啱； cookies會記住第一次嘅結果，想重做要先clear cookies。
https://toptests.co.uk/practice-hazard-perception-test/
有6條免費片。
https://hazardperceptiontest.net/
有3條免費片。
https://www.safedrivingforlife.info/free-practice-tests/hazard-perception-test/
有6條免費片。
https://www.driving-theory-test.com/hazard-perception
有4條免費片。
https://theorytest.org.uk/hazard-perception-test/
官方介紹片段
https://www.youtube.com/watch?v=SdQRkmdhwJs
為咗要pass，唯有將勤補拙喇。
小妹只係返咗學兩個幾月，已經收到兩次生日會邀請，第一次因為未完全解封，所以我哋婉拒咗。第二次就放小妹去喇。
好耐冇寫睇屋記，因為呢排萬能生比較忙，而且啱區嘅盤唔多，有1間約咗兩次都就唔到時間，另1間本來打算遲一星期先睇，點知未夠一星期已經賣咗。
呢間都係細size嘅semi-detached，993呎，3房2廁。
地下有客廳，開放式廚房連飯廳，同一間只夠容納一人嘅廁所，一樓有三間房，兩大一小同埋浴室，浴室內有浴缸，仲有企缸。間屋冇做extension，所以面積唔算好大。
飯廳對出有個平台，平台再落樓梯先係花園，花園都算企理，有間小屋裝雜物。
呢間屋唔算好大，不過算係四四正正，裝修都算新淨，要求唔高嘅話，唔執都可以即刻住得。
我哋去睇樓時遇見另一家香港朋友，似乎大家都好努力睇樓，agent都話呢排樓市暢旺，佢哋好忙。
萬母都睇住D樓盤去得好快，除咗D超低質同超高價之外，其他都一出即走，所以想睇就要快，否則連睇都冇得睇。
英國打疫苗嘅進度的確係唔錯，超過7成大人已打第一針，超過4成大人打晒兩針。
https://coronavirus.data.gov.uk/details/vaccinations
先講吓打針流程，政府會宣佈幾歲嘅群組可以打針，咁到你嘅話就會收到NHS嘅信，就算收唔到信都可以上網登記。
登記網站
https://www.nhs.uk/conditions/coronavirus-covid-19/coronavirus-vaccination/coronavirus-vaccine/
喺英國係冇得俾你揀打邊種針嘅，去到個center有咩就要打咩，不過亦聽過一D比較後生嘅朋友講，GP係會問佢想打邊種針，再介紹佢去book邊個center。
打針現場要過幾關：
⏳第一關： Reception登記，當日都幾多人，打咗轉蛇餅，等咗15分鐘，埋去會問個人資料，姓名，電話，地址，出生日期，種族，NHS number，booking reference number。Reception嗰個位有好幾個counters，全部一齊問資料，其實好嘈，加上D英文又唔係咁好，講咗好耐先講得清楚，receptionist主動問萬母係咪Chinese，萬母堅持要揀Others，Hong Kong。
⏳第二關： 再核對個人資料，簡單問吓健康狀況，例如7日內有冇打過其他針，有冇藥物敏感，有冇機會懷孕，講解一下打針嘅副作用。
⏳第三關： 又再對多次姓名，然後再打針，建議著短袖衫再加外套，咁樣就唔駛當眾剝光豬。萬能生話佢個姑娘有問佢用開邊隻手，之後打另外一隻。但萬母個男姑娘冇問，可能因為已自剝，一坐低已準備好隻手臂。
⏳第四關： 打完針要休息15分鐘，臨走前再問多次姓名，同埋會問有冇book到第二針。
打針當刻係冇咩feel，但打完之後第二日明顯覺得隻手臂脹痛，唔想郁佢，如果有三角繃帶，真係想縛起佢咁濟，先前萬能生打完針，問佢又話冇咩野吖，點知當萬母覺得手臂脹痛時，佢又話係咁架，佢都痛咗2日，又唔早響，擺明呃人，差在未講打完針好興奮。
圖為萬能生打完針得到嘅獎勵貼紙，唔知點解萬母冇貼紙攞，可能係萬母隻肥臂太吸引，引到男姑娘心神恍惚，唔記得派貼紙，一定係咁，除非唔係。
💡打針小貼士：💡
1. 著短袖衫/開胸衫
2. 準備定止痛藥，真係頂唔順時就食藥
3. 一家人分開幾日打針，方便有人做家務
#其實我好憎打針
自從上次個冷飯焗薯之後，好多人都擔心萬能生嘅伙食，其實係OK嘅，比隔離營好嘅。
無論報咗定打算報筆試，都應該要花D心機時間準備嘅，筆試50題，答對43題就PASS。
要考車，除咗要學識揸車外，仲要過到筆試。
又嚟咩咩day喇，好彩今次係睡衣日，著套睡衣返去就得喇，唔駛準備咁多。
今次呢個睡衣日都係籌款日，幫BookTrust籌款，係希望所有小朋友都有機會享受睡前故意時間。
https://www.booktrust.org.uk/what-we-do/programmes-and-campaigns/pyjamarama/
萬母問小妹係咪一齊喺學校著住睡衣瞓覺，小妹話唔係，只係聽吓老師講故事，畫吓漫畫，設計吓書封面同書簽，小息又正常去操場玩閃避球，著住睡衣打閃避球都幾型。
Pyjamarama Day嘅小插曲係走火警，小妹話當全班正在冥想時，突然火警鐘響，成班睡衣人出操場走火警。
💰💰超市行情： 💰💰
花花睡衣 £ 4.99/套
唔覺唔覺，萬母已經學咗3堂車，咁呢3堂學過咩呢？
第1堂主要學開車；小妹話識開車唔識停車，好危險。
第2堂學停車，不停開車停車，開車停車。
第3堂學左轉，不停圍住左轉左轉，轉轉轉。
咁有咩感覺呢，基本上係有D混沌，揸揸吓會懷疑緊自己踩緊brake定油門。
同埋好老實講，係未拎到個感覺嘅，究竟個軚要擰幾多先夠，幾時要回軚，呢D都真係未掌握到，不過師傅話係正常嘅，通常頭15堂都係咁，之後會進步喎。
萬母一邊死鍊住條軚時，師傅最多講嘅就係"揸快D，加D油"，well，萬母偷偷𥄫到係行緊10 miles，即係16 km/hr，真係~~像隻蝸牛。
https://www.youtube.com/watch?v=0iahm62GqEo
第一次英國小學家長日，因為個無漢肺炎，改做電話進行。
學校指定其中兩日放學後做家長日，老師亦預早一星期問家長們咩時方便通電話。
感恩老師話小妹們settle得好好，好快已經識到朋友，習慣校園生活。
學術方面亦都算跟得上，建議可以睇多D書同背熟D乘數表。
下面係老師建議小妹可以睇嘅兒童新聞網，等佢識多D詞彙。
https://www.bbc.co.uk/newsround
希望小妹們繼續享受校園生活，努力跟上學術進度。
放假去邊好？當然係去公園喇，今次呢個點解叫雜錦公園？因為佢面積細細，但就咩都有咁囉。
首先個公園有兒童遊樂場，滑梯，千秋都有。有池塘，有鴨，有鴿，有松鼠。
最緊要佢仲有個迷你動物園，朋友講笑咁話係倫敦動物園嘅overflow，動物種類都唔少架，最特別係見到袋鼠媽媽揹住袋鼠BB，仲有鴨爸媽餵一群鴨BB。
本來仲有蝴蝶園，不過冇開門，大草地又適合野餐，公園細細，但設施齊全又集中，都幾適合唔想行咁多嘅懶人架。
Golders Hill Park
https://www.cityoflondon.gov.uk/things-to-do/green-spaces/hampstead-heath/where-to-go-at-hampstead-heath/golders-hill-park
先前分享過交水費原來係一次出一年單，所以張單貴到嚇親萬母。
今次就分享吓電氣費，即係電費+煤氣費。
長文一篇，如果怕頭暈，可直接跳去小總結。🏃🏃♀️🏃♂️
電氣費係逐月收嘅，可以揀自己報錶，亦可以裝smart meter自動報錶，因為係租屋住，所以我哋唔敢自己決定轉smart meter，搵agent問業主又一路冇回音，所以我哋都係自己不定期報錶。個電錶喺屋入面大門頂，個氣錶就喺街出面，廚房樓下，我哋都要搵咗一輪先搵到自己個錶。報錶好簡單，上網頁輸入數字就得，所以我哋隔2個星期左右就報一報，希望佢收電氣費時收得準D。
雖然佢跟錶出單，但電氣公司又實行定額收費，係咪聽到一舊雲咁呢，又要報錶，但又收定額。
當初開account時，佢會問間屋幾大，幾間睡房，幾間浴室，幾多人住，跟住就會建議每月交一個額，每月自動喺銀行戶口扣錢，我哋當初係每月交£66。
但其實電氣公司每月都會根據報讀嘅錶數/估計嘅錶數去出單，如果用得多過交嘅數就會in debit，有剩就credit。
咁萬能家又點呢？附圖係我哋呢幾個月嘅電氣費，1月時因為喪開暖氣，所以煤氣費貴到喊，好明顯第1個月我哋已經in debit，欠電氣公司錢。
到第2個月，因為boiler壞咗10日，所以煤氣費平咗好多，但開暖風機令到電費貴番，仍然都係欠電氣公司一大條數。
到第3個月，我哋慳住開暖氣，但又遇著漏煤氣，結果條數係細咗D，但仍然作唔到準。亦因為我哋in debit太多，喺呢個月，電氣公司send email叫我哋改為每月交£120。
到第4個月，我哋嘅電氣費合共£105.48，仍然欠緊電氣公司錢，但就開始慢慢還緊債喇。
呢個定額收費，應該係希望D人每個月固定咁交費，唔會因為冬天突然開多咗暖氣，張單貴咗而俾唔起。
俗語話: 好天斬埋落雨柴，但而家應該係夏天交埋冬天費。
🏃🏃♀️🏃♂️小總結： 4人家庭，2房1廁，每月電氣費大約£120。
過晒上堂時間，突然間有人拍門，係一個男人。
係咪覺得呢個情境似曾相識呢？冇錯，個男人就係鄰居老師。
咁今次嘅故事究竟係點架呢？
話說，尋日因為學校做咗票站，小妹要留家上網課，當小妹一開始上網課時，佢講咗句"老師個頭好大呀！"，咁八卦嘅萬母當然去望吓究竟點大法喇，原來老師因為wifi壞咗，要用手提電話上網課，因為距離近就影住大頭喇。
萬母好明白，手提電話用嚟同朋友video chat就冇咩所謂，但如果要拎嚟主持網課，真係幾痛苦嘅，所以就派咗小妹做信差，送咗個wifi密碼過隔離屋喇。
就係咁，到放學時間，鄰居老師就拍門俾咗呢袋野我哋喇。其實我哋真係冇諗住有回報嘅，因為只係一個舉手之勞。不過話時話，英國人真係好鍾意寫卡。
架車買咗幾個月都未洗過，變咗隻污糟貓。
如果屋企有driveway，係可以自己喺driveway洗車，但因為我哋冇，喺街位又唔可以洗車，所以只能選擇俾錢人駛/洗。
去下面網站輸入postcode，可以搵到附近邊個油站有得洗車，但要留意佢冇講明係機洗定手洗嘅。
https://www.bp.com/en_gb/united-kingdom/home/products-and-services/our-sites/find-your-nearest-bp.html
萬能生揀咗屋企附近幾個油站，再用google map去睇吓實景，見到自動洗車機就知道係機洗喇。
洗車當日，去到先埋櫃位買張飛，價錢見圖，有幾個唔同packages。
跟住就排隊等入機，當日都幾多人，等咗4-5架車先到我哋，入機前記得要閂晒D車窗，拆走車頂天線，閂埋倒後鏡，入到去機內，停車熄匙。
坐喺架車入面，睇住部機噴水，噴泡又吹風，都係一個幾特別嘅經歷，特別係細路們仲興奮，有D似玩咗次機動遊戲咁。
洗車過程歷時10分鐘左右，洗完真係變咗白白豬咁，靚仔晒。
喺英國好多park park park，公園係park，街名係park，商場都係park，park到有D傻傻攪唔清。
朋友介紹萬母去Retail Park濕平，Retail Park係戶外商場，幾間大型連鎖店聚埋一齊。 今次行嘅Retail Park就有玩具店，體育用品店，傢俬店，寵物用品店，裝修用品店，餐飲......唔同種類嘅舖頭聚埋一齊，要一次過行晒咁多間，真係會行到腳斷。 淨係間玩具店都夠行大半日，小妹們入到去直程係接近瘋狂狀態。 如果要每間舖頭都仔細行，應該兩日一夜都唔夠。
喺香港想寄信，可以去便利店買郵票，喺英國可以點呢？
除咗直接去郵局，其實仲可以上網交郵費再自印"郵票"嘅。
去下面網站，揀好目的地，再輸入郵件重量，之後再揀要咩services(即係需唔需要掛號，咩class)，再輸入埋收件地址，寄件地址等等，再用卡俾埋錢，就會有個PDF，印出嚟貼喺信封面，之後成封信掉入郵筒就得。
https://send.royalmail.com/
但如果要寄掛號，就點都要去郵局走一轉喇，因為就算上網俾咗錢，掛號信都係唔可以就咁掉落郵筒嘅。
不過話時話，喺英國寄信都真係幾貴，最平嘅本地平郵都要£0.66。國際掛號要£6幾。但可幸係而家科技發達，好多時email已經可以解決到問題，唔駛吓吓要寄信。
偶然喺網上見人講呢本雜誌，見口碑唔錯，想買本嚟睇吓，點知搵勻各大超市都唔見有賣，最後都係上網買咗一本試讀。 睇過實物之後，覺得真心正，值得訂閱。 呢本雜誌嘅目標讀者係8-14歲嘅青少年，但萬母覺得大人都啱睇，特別係我哋呢D母語唔係英文嘅大人，因為有D生字，佢會配有英文解釋。 雜誌...
