先前分享過,無論喺香港定英國,萬母都係足不出戶咁就開到個戶口,但原來都有壞處嘅。
萬能生喺香港曾經去獅子銀行現過真身,所以只要上網㩒就可以出到支票簿。懶惰嘅萬母當然想照辦煮碗喇,但喺銀行網頁搵嚟搵去都搵唔到個制,send message去問,就話要親身去分行出示photo identification。
咁唯有去分行走一轉喇,起初俾咗張BRP佢,櫃檯姐姐話唔收,要車牌或者passport,姐姐喺電腦㩒咗幾㩒,又搵紫外光照吓張車牌,就話OK,等1個多星期就收到支票簿寄去屋企喇。
呢個故事嘅寓意係:始終都係冇得懶,同埋車牌係有用過BRP嘅。
沒有留言:
發佈留言