好耐冇寫睇屋記,因為呢排萬能生比較忙,而且啱區嘅盤唔多,有1間約咗兩次都就唔到時間,另1間本來打算遲一星期先睇,點知未夠一星期已經賣咗。
呢間都係細size嘅semi-detached,993呎,3房2廁。
地下有客廳,開放式廚房連飯廳,同一間只夠容納一人嘅廁所,一樓有三間房,兩大一小同埋浴室,浴室內有浴缸,仲有企缸。間屋冇做extension,所以面積唔算好大。
飯廳對出有個平台,平台再落樓梯先係花園,花園都算企理,有間小屋裝雜物。
呢間屋唔算好大,不過算係四四正正,裝修都算新淨,要求唔高嘅話,唔執都可以即刻住得。
我哋去睇樓時遇見另一家香港朋友,似乎大家都好努力睇樓,agent都話呢排樓市暢旺,佢哋好忙。
萬母都睇住D樓盤去得好快,除咗D超低質同超高價之外,其他都一出即走,所以想睇就要快,否則連睇都冇得睇。
沒有留言:
發佈留言