自印郵票

喺香港想寄信，可以去便利店買郵票，喺英國可以點呢？

除咗直接去郵局，其實仲可以上網交郵費再自印"郵票"嘅。

去下面網站，揀好目的地，再輸入郵件重量，之後再揀要咩services(即係需唔需要掛號，咩class)，再輸入埋收件地址，寄件地址等等，再用卡俾埋錢，就會有個PDF，印出嚟貼喺信封面，之後成封信掉入郵筒就得。

https://send.royalmail.com/

但如果要寄掛號，就點都要去郵局走一轉喇，因為就算上網俾咗錢，掛號信都係唔可以就咁掉落郵筒嘅。

不過話時話，喺英國寄信都真係幾貴，最平嘅本地平郵都要£0.66。國際掛號要£6幾。但可幸係而家科技發達，好多時email已經可以解決到問題，唔駛吓吓要寄信。