疑是車上霜

呢幾日寒流襲北半球，香港只得10度以下，英國都一樣好凍，我地呢區都喺0度徘徊，英國室內有暖氣，所以過得都算舒暢(未計月尾睇見GAS單嘅心情)，但室外過夜嘅車車就陰公豬囉。

萬母朝早起身望落街，只見架架車都白雪雪，結晒霜，睇就過癮，如果急住開車返工返學就真係喇，咁點解決呢？如果架車嘅檔風玻璃結左霜，只要用暖水淋吓佢就OK，如果住house，出門口見到架車咁，就可以即轉身入屋拎暖水，住apartment嘅，唔想走黎走去，唯有出門口前睇情況準備定喇，如果唔係就......

英國同香港天氣差一截，所以好多野我地都冇試過/見過，就好似洗檔風玻璃嘅screenwash，呢度嘅screenwash會防凝固，仲有分-5度/-10度添，倫敦呢邊用-5度就夠喇。

初到英國嗰幾日，落大雨，個檔風玻璃起晒霧，抹都抹唔切，原來架車有個"Defogger"嘅制，學識左就唔駛矇查查咁揸車喇。

黎到英國，好多野要學，要慢慢地快快學。

超市行情：

Screenwash £2.25/2.5L

外傳：萬母問小妹，如果落左街先發現架車結左霜，唔返屋企攞嘅話，邊度可以有暖水？小妹諗左一陣答：wee~~講屎尿屁就最開心架喇！