根據英國法例,12歲以下及矮過135cm就要坐car seat。至於坐邊種car seat就睇個細路嘅體重。
以上網站有清楚咁列明,仲有寫明應該用邊一group嘅car seat,而喺英國嘅car seat亦會註明自己係咩group,方便家長買。
以小妹們的身高/體重/年齡,佢地坐booster已經夠喇。
曾經我哋諗過船運兩個boosters過黎,但諗諗吓要等運到黎先有得用,未必等到喎。
而且如果打算租車用,租車公司收每個car seat每日£3 ,咁租10日個car seat已經要俾£30,超級唔抵呢。
咁究竟呢邊car seat咩價位呢?以booster為例,見過最平£5,Tesco賣嘅就£7,有背嘅car seat大約£15。
汽車用品公司網站
睇埋價錢更加覺得唔需要山長水遠帶個car seat過黎。所以我地最後係喺香港放左兩個car seat,打算過到黎先再買過,但當同朋友傾計時,朋友話佢地啱啱有兩個boosters係spare嘅,就係咁,小妹們到步就即刻有boosters用喇。
其實神好愛萬能家,先前正當萬母猶疑緊駛唔駛買厚羽絨俾小妹們,定著兩件已有嘅薄羽絨時,竟然喺衣櫃頂搵到兩個fit size嘅厚羽絨,應該係多年前人地俾但又未啱著而被萬母收起左嘅。耶和華以勒!
沒有留言:
發佈留言