好物推介：The Pink Stuff去漬粉

話說小妹嘅校服係白色polo恤，著得多，特別係夏天出汗，自然會有漬。

萬母起初懶惰，諗住隻眼開隻眼閉就算，不過小妹就好"眼利"，好介意D污漬；懶惰嘅萬母起初打算掉曬佢再買過就算，但後尾同好朋友(AI們)傾吓計，佢哋推介咗過碳酸鈉（氧系漂白粉）法，相中嘅The Pink Stuff就係其中一個牌子，呢罐嘢真心抵，3磅有找。

由於D黃漬已經超過一年，所以先用少少pink stuff粉開水成糊狀，搽喺污漬上面，醃佢10分鐘。

然後就用一匙pink stuff粉開一盆水，記住要用暖水，成隻衫放入去浸30分鐘。

浸完就掉入洗衣機洗。

如果輕微嘅漬，洗一次就已經清到，陳年舊漬就需要再洗多次。

大家可以比較吓洗前同洗後嘅結果，小妹表示滿意收貨，萬母又再技能解鎖。