來打算越洋買好床鋪，起碼入得伙，到埗後先慢慢去shopping，添置小家品，點知貴人入境招Tier 4，如意算盤打唔響了，咁點算呢？好彩有神奇的Argos。呢間店真係好神奇，應有盡有，最神奇係呢頭上網click click click，即刻就可以去提貨，我地懷疑佢個貨倉係個黑洞，竟然要咩有咩。由於我地屋企步行10分鐘就有分店，所以呢間Argos就成為我地嘅救命草喇。一個星期內我地買左：
-吸塵機
-蒸汽地拖
-兒童床欄
-窗簾
-砧板
-碗碟套裝
-砂煲罌罉
-刀套裝
-煮食用具
-座地燈
-多士爐
-掛衫架
-電水煲
-暖爐毛巾架
只要我地需要用，又等唔切其他舖頭送貨嘅，我地就搵Argos解決。Argos另外都有送貨服務，收£3.XX服務費。
除左Argos同IKEA，其實都仲有其他舖頭提供click and collect或delivery，送貨嘅服務費同時間間間唔同，其他舖頭由於未試過，就不作評論喇。
我地喺wayfair睇中左個鞋櫃，但由於唔係急需，遲遲都未郁手。wayfair買夠£40有免費送貨。Wayfair有得經topcashback買。
Wilko聽聞類似日本城，但我地就未睇啱野買。
終於等到有機會出大街行一圈，大街上有幾間雜貨舖，舖仔細細塞到滿滿，門口又擺滿貨嗰種疑似港式雜貨舖，呢D雜貨舖都有驚喜，如果唔要求款式好精美，想價錢相宜，絕對需要去逛逛，最驚喜係初時以為係MIC貨品，點知原來係made in Turkey，咁就更加買得開心喇
。
。黎到UK，同香港有一大分別係，一係就單人匹馬去行動，一係就全家總動員出動，喺香港我地仲有工人姐姐同娘家強大團隊作後盾
，隨時可以放低兩小妹搵人睇住，但黎到UK就冇呢支歌仔唱喇，雖然喺香港早已作出心理輔導，話佢地知，去到英國好多時要一齊出去，唔好嗌攰唔好嗌悶，但萬母有萬母講，佢地當唱歌，左耳入右耳出左，小妹們黎到都有D唔耐煩，會話"又出街？又買野？唔係前日買左喇咩？又買？我想留喺屋企喎！"，"Yeah！今日唔駛出街！"，但感恩佢地都算係咁，講多幾次都會聽。
，隨時可以放低兩小妹搵人睇住，但黎到UK就冇呢支歌仔唱喇，雖然喺香港早已作出心理輔導，話佢地知，去到英國好多時要一齊出去，唔好嗌攰唔好嗌悶，但萬母有萬母講，佢地當唱歌，左耳入右耳出左，小妹們黎到都有D唔耐煩，會話"又出街？又買野？唔係前日買左喇咩？又買？我想留喺屋企喎！"，"Yeah！今日唔駛出街！"，但感恩佢地都算係咁，講多幾次都會聽。轉換環境就自然要轉換生活模式，萬母其中一大目標係教曉小妹們自立自理，只要佢地承擔多D家務，照顧自己多D，我就可以做少D野！
沒有留言:
發佈留言