萬能家喺香港用開洗衣機+煤氣乾衣機，一直都用得非常開心，特別係回南天嘅時候，簡直覺得部乾衣機係恩物，冇左佢唔得。
黎到UK，又點呢？先講bnb部洗衣乾衣機，洗衫要洗一個鐘，乾衫要分開兩機，各乾一個鐘，即洗+乾一機衫足足要三個鐘，仲要唔可以掉低佢唔理，每個鐘都要處理。如果一日要洗兩機衫，即係每日要有六個鐘陪住部洗衣乾衣機喇。
新屋呢邊又點呢？當時問agent包咩電器時，agent答washing machine/dryer，咁萬母就理解為洗衣乾衣機喇，點知黎到發現部機只係洗衫，係冇乾衣功能嘅，嗰吓已經有D失望，再加上萬母當日拆左業主張梳化兩個cushion套出黎洗，一洗就見到成機啡色水，就當堂發瘋，要拆晒成張梳化套洗晒先安樂，但洗完點乾呢？當時我地係將洗完嘅野帶返bnb度乾，bnb部機又要洗衫又要乾梳化套，忙到冇一刻鐘係停嘅。
發左瘋嘅萬母當晚就即上網搵乾衣機買喇，仲想盡快送貨，但究竟點買呢？好彩萬母嘅search功唔錯，亦感恩今時今日互聯網夠發達，原來呢邊乾衣機(tumble dryer)分三大類。喺香港我只識煤氣乾衣機，冇諗過其他。
-Vented tumble dryer
最平嘅種類，但需要駁條喉去排濕氣，需要放近窗，甚至喺牆/窗度開個窿
-Condenser tumble dryer
只係一部機，插電就得，唔需要駁喉，咁D濕氣走去邊呢？有個container接晒D水，每次乾完衫都要倒水，萬母理解為類似香港用開嘅抽濕機咁，不過部乾衣機就包住D衫黎抽
-Heat pump tumble dryer
類似Condenser tumble dryer，唔駛駁喉，但比較慳電，原因係佢將D暖空氣循環再用(類似喇)，但價錢就較貴
https://ao.com/laundry/tumble-dryers/?mmref=laundry|tumble_dryers|Tumble%20Dryers|5_2_0
咁萬母最後揀左邊種呢？
最後萬母懸崖勒馬，係冇買到乾衣機嘅，因為萬母同萬能生左度右度，諗緊部乾衣機可以擺邊時，冷靜番落黎，決定都係買個掛衣架，試吓晾衫係咩情況先，實驗結果發現，D衫晾一晚已經乾左9成9，如果兩機衫分開早晚洗，應該夠時間晾乾嘅。
再加上買埋個Radiator Clothes & Towel Airer，將D毛巾掛喺暖爐前面，就再多D位晾衫喇。
不過，到呢刻萬母都未洗過床單被袋，或者到洗床單被袋嗰日，萬母又再次發癲要求買乾衣機架喇
。
。外傳：
萬母要求小妹們自己晾衫，小妹們當然推三推四，又話唔識晾，唔夠高，好攰，總之就阿之阿左咁，仲要大膽咁駁咀話"我唔想晾衫喎，你尋晚夠話唔想洗衫囉，我聽到架"，
，"哼，我話唔想洗衫係因為未有掛衫架嘛，我今日咪洗左衫囉！快D去晾衫！"
，"哼，我話唔想洗衫係因為未有掛衫架嘛，我今日咪洗左衫囉！快D去晾衫！"求主賜我智慧，溫柔同耐心去應付越來越多，越來越挑釁的駁咀，阿們！
後記：實驗證明，床單都好易晾乾，被袋因為有雙層，需要幫佢反面，但都晾得乾。
沒有留言:
發佈留言