返工記 ~ 陪瞓專員

相隔差唔多一年再寫返工記，萬能生話萬母呢項工作真係值得一記。

萬母返工，除咗要處理文件，幫老闆約人開會之外，今年仲有一項特別任務，就係陪瞓。

事緣學校有個患有渴睡症嘅學生，成日上上吓堂釣魚，萬母嘅任務就係跟住佢上堂，見佢瞓咗就拍醒佢，有時佢好叻，成堂都冇瞓，有時就不停瞓不停拍，老師同其他同學見到呢個景象，唔知有咩感覺呢？

喺呢間學校做咗兩年，今年班畢業生離開時，萬母都有D不捨，因為好有可能以後都唔會再相遇，雖然大家都係大家生命中嘅過客，但都係希望呢班年青人前程似錦，能過幸福嘅生活。