電飯煲豆腐花

豆腐花曾經係輕易得到嘅食物，但嚟到英國就變咗做稀品。

兩年前曾經用魚膠粉整豆腐花，但嗰種感覺唔係嗰種感覺(明就明，唔明就...)。

終於的起心肝買咗包石膏粉整豆腐花。

1. 電飯煲保溫預熱

2. 熟石膏粉0.5湯匙，粟粉1湯匙，加入Aldi無糖豆漿100ml攪勻

3. 無糖豆腐放入鍋中，煲至85度 (小心豆漿易滾瀉)

4. 石膏粉水易沉澱，所以用前要再攪勻

5. 雙手一邊倒入熱豆漿，另一邊同時倒入石膏粉水，蓋好電飯煲蓋及廚房紙

6. 安心等30分鐘，加糖食得

打開電飯煲蓋一刻都幾感動，似模似樣，只係冇個鐵剷，用飯殼片得唔夠薄，D糖又淺色咗D，但感覺還好，可以止到癮。

因為失去咗先懂得珍惜，事隔三年，最近再次飲腐竹糖水時，先知原來豆類甜品好易打動心靈。