因咩解究我哋揀咗個遠嘅薰衣草園,捨近取遠呢?其中一個原因係嫌某D園入場費貴,另外一個主要原因係睇中咗呢個離薰衣草園幾分鐘車程嘅農場。
農場嘅網頁好簡陋,反而個facebook page時不時有update,萬母睇中咗佢係因為呢個農場有好多動物BB,有剛剛滿月嘅牛BB,有羊BB,仲有貓BB,而且入場費唔貴。
大人入場費£6,細路入場費£5,3歲以下免費,動物飼料每杯£0.5。唔駛預約。
https://www.facebook.com/BoydellsDairyFarm
個農場有一大片地方有瓦遮頭,就算落雨都唔怕。每日朝早11點同晏晝3點仲有剪羊毛表演。
D細路好熱衷咁餵動物,餵完又再添,餵自己又唔見佢哋咁勤奮。
小妹話最鍾意係BB貓,因為可以抱上身,就算返咗屋企都仍然對BB貓念念不忘。
究竟呢個農場仲有咩動物睇,唔講咁多,去相喇。
沒有留言:
發佈留言