第一次Outing

放學時見到人人手執一張黃紙，原來係outing通告，怪唔知個個咁興奮喇。

目的地係區內公園，以下為萬母與小妹嘅對話。

👩： 咦，嗰朝早我得閒喎，我去公園撞吓你吖。

👧： 你無啦啦去咩公園唧？

👩： 我唔小心行咗去之嘛。

👧： 你特登嘅。

👩： 我盪失路去咗公園。

👧： 你特登㗎。

👩： 咁你唔想我去公園搵你？你想同同學一齊玩呀？

👧： 係呀。

👩： O~K~

Outing後記：

小妹話佢哋係由學校行去公園，出發前，每人都要著件螢光背心，仲要帶埋risk band，即係一條手帶，上面有學校名同電話，方便走失時搵途人幫手聯絡學校。全程約行20分鐘，起初班細路講笑話要截架的士，但行吓傾吓又好快到。

雖然只係一個雞雞地嘅學校旅行，但小妹都好開心，話晒都係英國第一次吖嘛。

圖為外帶藍莓。

💰超市行情：💰

藍莓 £2/150g