打埋第二針

本來萬母嘅第二針係約咗喺暑假期間打嘅，但因為政府加快疫苗進度，所以就改早咗喇，夠8星期就打第二針。

咁第二針同第一針感覺有咩唔同呢？

先前打第一針時，萬母隻手係廢咗幾日嘅，廢到係直情想用繃帶紮起佢。

今次打第二針，一早預咗要再廢幾日，點知手臂冇預期咁痛，只係小小脹痛，針口位有少少痕，仍能活動，勉強做到家務。

但身體就明顯會攰D，成日都眼瞓，而且會覺口乾，有輕微骨痛，但呢D唔舒服，過兩日就已經冇事。

所以，總括嚟講，兩針反應都唔算大。希望唔會再要有第三針喇。

英國照原定計畫，19/7解封，連香港入境嘅朋友都唔再需要隔離，但確診數字其實仲升緊，真係希望天佑女王，暑假唔好爆得咁勁喇。

圖為打針後紀念品，自行檢查套裝。