呢間18號屋其實係喺17號屋旁邊,同一個發展商,但另一個屋苑名,呢邊只有8間houses。
呢間又係大屋,2017呎,分3層,共4房。今次去睇呢間係示範單位,所以任影唔嬲。
地下近門口位置有一個客廳,另外有一客廁,再有一開放式廚房連客飯廳,客飯廳近花園位置有天窗,採納自然光,又係另一樣時興。
廚房同屋17如出一轍,都係白色為主。
一樓有兩房連兩廁,主人房又係有walk-in wardrobe,再經walk-in wardrobe入浴室,企缸浴缸齊晒。
二樓再有兩房一廁,每間房都有入櫃衣櫃。
屋前另有一車房,今次係一個真係擺到車嘅車房。
睇咗咁多間屋,呢間同萬母心中嘅dream house最接近,而價錢亦都係最離地嘅,所以呢,今晚都係早D瞓,睇吓發夢時住唔住到靚屋喇。
沒有留言:
發佈留言