呢間係1828呎4房3廁嘅排屋。
地下一層有兩個廳,長長嘅廚房同客廁。
一樓有三房一浴屋,二樓有一房一浴室。
間屋面積好大,所以好寬敞,已做loft conversion,所以二樓有套房,但一樓上二樓條梯係開喺其中一間房嘅門口,所以個layout有點怪怪地。
地下未做extension,但只係地下一層已有7百幾呎,大過香港好多屋。
個花園都好大,放咗summerhouse之外,仲有好多位,可以放埋乒乓球檯。
呢間屋嘅賣點係喺熱門學校門口,根據就近入學原則,呢間屋嘅地理位置超強。
但喺學校門口其實都有缺點,就係返放學時間會超塞車。
咁呢間屋有咩缺點呢?就係超殘同超貴,買咗呢間屋嘅話一定要花錢裝修先住得。
其實呢間屋喺我哋初到步時見佢第一次上架,當時未安頓好,再覺得佢好貴,所以冇睇到,之後過咗幾個月見佢又再上架,就決定去參觀吓喇。
下回再解釋點解佢上架,落架,又再上架。
沒有留言:
發佈留言