呢間係一間1390呎嘅3房2廁半獨立屋(semi-detached house)。
地下已做wrap-around extension，所以地下面積好大，開放式廚房連住一個飯廳，飯廳再連住一個客廳。除此之外，地下都仲有一個偏廳，同一個連浴室嘅書房，呢兩間room必要時都可以當睡房用。
萬母其實幾鍾意呢間屋嘅layout，地下嗰層夠大，除左客飯廳，仲有小偏廳，小偏廳可以做書房同玩具房，咁一家人就會多D時間留喺地下，唔會各自各入房閂晒門。
地下個廚房有部份係做extension出嚟嘅，天花嗰度裝咗天窗，好處可以採納天然光，壞處係要抹窗。由於個side extension唔係拉直嚟做，所以個廚房嘅形狀有少少三尖八角，但D角位另闢做洗衣房都可以接受嘅。
一樓有兩大一細房，再加一浴室，各房都算寬敞，細房都夠放雙人床，成間屋嘅layout係感覺寬敞。
間屋得兩層，如果想向上發展，可以做loft conversion，但就算唔做都夠住有餘。
花園面積唔算大，因為間屋擴建咗，令到花園細咗，但都夠位放summerhouse，但因為做咗wrap-around extension，花園嘅後門就冇咗喇。
呢間屋有咩缺點呢？就係離地鐵站遠，步程超過20分鐘，而且佢喺掘頭路入面，馬路直達唔到屋門口，所以冇driveway，有車嘅話就要泊街。
沒有留言:
發佈留言