National lockdown,學校停課,轉做網課,但雖然係上緊網課,小妹們每星期都有最少一節體育堂,好多時老師都係俾條youtube link佢地,叫佢地自己跟住做yoga或是跳舞。
呢個星期,老師係俾左條just dance嘅youtube link,小妹見到就話,睇youtube跟住跳都冇得評分,倒不如直接開switch跳喇,就係咁,另類體育堂誕生了。
小妹們不單自己上體育堂,仲邀請埋幾十年冇上體育堂嘅萬母一齊跳,萬母一邊跳一邊聽到tic tic tac tac嘅骨頭聲,唔知仲以為自己跳緊tic tack舞,真係好驚跳到D骨頭散晒落地。
萬母諗住走精面,企喺旁邊扮跳舞就得,點知被小妹發現,小妹決定讓出個joy con,睇吓萬母拎到幾分,萬母又諗拎住joy con郁吓隻手咪得囉,點知又被小妹見到,訓斥話要郁埋個頭,個pat同對腳,之但係,得一個腦,頂多分埋左右兩邊,左腦控制得隻右手又控制唔到隻腳,右腦郁得隻腳黎又控制唔同個頭,全個身都好似不受控咁亂郁,連面部表現都不受控,萬母諗住靜靜雞行後少少,咁揸流灘時就冇咁易被發現喇,點知有人一邊跳舞,一邊監視,唉......幾時先復課?可以正常上體育堂呀?老人家D骨頭唔頂得好耐架咋。
其實都應該感恩小妹們仲肯參萬母玩,過多幾年可能佢地連睬都唔睬我,同埋,好彩個窗唔係對住鄰居屋企,否則以後要戴頭套先出得街見人。
沒有留言:
發佈留言