去北威爾斯嘅另一個重要景點就係上Snowdon山喇，佢係全威爾斯最高嘅山。
你可以選擇步行上山，一程大約2.5-4個鐘，未計落山嗰程，咁呢個當然唔係萬母嘅選擇喇。
我哋選擇咁火車上山。
由於我哋去時並未正式踏入夏季，所以火車只上到山嘅四份之三嘅Clogwyn站，如果夏天去就可以上到山頂喇，睇片山頂嘅風景都幾吸引，如果好天嘅話。
我哋呢日就唔多好天喇，喺火車站等火車時，仲要落勁大雨，好似黃雨咁大，有遮都攪到濕曬，但感恩嘅係，火車開車時雨已經停，所有喺火車上係睇到景嘅，只係太大風，同埋高山嘅雲都比較多，所以我哋都上唔到預期嘅Clogwyn站，喺再低少少嘅Rocky Valley就停咗車，畀我哋離開車廂10分鐘，其實呢個半山車站都真係好大風，我哋嘗試影相時D頭髮係飛到怒髮衝冠咁，不過呢D相都係一個回憶嚟。
搭呢程火車嘅景色的確同我哋平時喺倫敦附近睇嘅唔同，所以都算係一個體驗。
https://snowdonrailway.co.uk/
等永居批核期間係唔可以離境嘅，因為唔肯定可唔可以拎到快證，所以我哋安排咗一次北威爾斯之旅。
其中一個重要景點係去玩Zip World，類似Go Ape咁嘅繩網活動，不過就多D zipline。
我哋玩咗Fforest Coaster，我姑且叫佢做森林過山車，有D似先前喺芬蘭玩嘅滑坡車，有D軌道行嘅，不過就唔係坐吊車上山，直接坐住架過山車上車，每架車仔最多可坐2人，要自己控制個brake，都幾刺激㗎，亦都好爽，當初萬母都係睇中咗呢個森林過山車先揀咗呢個zip world，其實佢有好多個sites嘅。
其外我哋都玩咗Treetop Nets，係好大個網，畀你跳呀，彈呀，年紀細嘅小學生應該會好開心。
仲有Tree Hoppers，歷時一個鐘嘅繩網陣，比Go Ape多D zips，玩家過不過不失。
另外仲有招牌Zip Safari，歷時三個鐘，不停zip，係咁zip，玩家話zip得有D多，如果多返D繩網陣會好玩D。
就係咁，我哋喺Zip World都玩足一日，感恩喺最需要有好天氣嘅日子有非常好嘅天氣，唔止無雨，仲有陽光。
https://www.zipworld.co.uk/adventures/treetop-nets-betws-y-coed
春天來了，又係發花癲時間，今次發嘅花癲係紫藤花(Wisteria)。
如果有入任何種植谷，必定曾被紫藤洗版，曾經萬母都被荼毒到想買棵嚟種，但又怕自己殘害生命，所以作罷；只係路過人哋屋企，見到人哋嘅紫藤開到一串串，就羨慕吓咁。
點知原來上帝早有預備，上手業主原來留落咗一棵紫藤，而呢棵紫藤喺我哋入伙第一年只有葉，並無花，所以萬母有眼不識泰山，第二年阿紫藤姐開咗兩朵花，到第三年開始多D嘢睇，今年第四年終於有澎湃嘅感覺喇，yeah!
講開花，呢期路邊都開咗好多野花，望住呢D花花，令萬母諗起五年前，剛剛嚟到英國無耐，過咗個冬天，經歷咗一場雪，捱過咗壞boiler嘅日子，春天開始回暖，有陽光，lockdown完，有次行返屋企時，見到路邊嘅花，突然覺得好驚艷，原來大自然咁神奇，唔同嘅花，唔同款唔同色，但全部都咁靚，這就是天父世界，點解喺香港時無發現嘅，當刻萬母喺心入面提醒自己，千祈唔同忘記呢刻嘅感動，千祈唔好因為見多咗就習慣咗，要記住呢刻嘅感動，要記住天父世界嘅美妙！
#這是天父世界
上回講到兩個大人都批咗永居，咁當然唔會掉低兩個細路喇。
兩個細路嘅申請流程如下：
📆Sun/Mon 零晨1點，㩒到快證(priority service)，因為轉咗夏令時間，所以快證推出時間變咗做1am，跟手book埋anytime打指模，但點知呢次打指模嘅期好滿，幾經辛苦先約到星期三嘅anytime，仲要分開兩個center先有位，其中一餉仲要加多£50揀assisted timeslot，無錯，anytime再加assisted，加完又加
📆Tue 等運到
📆Wed (day 1) 朝早去一個center打指模，晏晝去另一個center
📆Thur (day 2) 等運到
📆Fri (唔計working day) bank holiday
📆Sat (唔計working day) weekend
📆Sun (唔計working day) weekend
📆Mon (唔計working day) 明明係bank holiday，但竟然喺朝早收到approval email，又明明只係遲咗幾個鐘打指模，唔係遲幾個鐘批
📆Tue (day 3) 終於收埋最後一個approval email喇，全家抵壘喇!
而細路們交咗咩文年呢：
📋HKSAR passport全本 (包括已過期)
📋BRP
📋HKID
📋BNO Visa email
📋Share Code
📋父母結婚證書
📋出世紙
📋學校嘅在學證明信 (所有喺英國讀過嘅學校)
📋Consent form part 1&3
利申：我哋全家都係用舊嘅online form，去center打指模，並冇用過apps。
完成一個五年project，繼續向下個目標進發。
永居批核要分上下集，原因係當年我哋LOTR入境後，喺英國境內申請BNO visa，當BNO visa批核時，並唔係一家人一齊批，係分開咗兩日，所以申請永居時，我哋都係分咗兩批。呢個情況喺境內申請嘅家庭好常見，有D家庭甚至分開三/四批，中間隔咗個幾月。
先講吓批核時間，呢個應該最多人有concern，今次呢個批次係兩個大人申請永居。
Sun/Mon 零晨12點，㩒到快證(priority service)，跟手book埋anytime打指模(雖然話係anytime，但其實都限日子同地點嘅)
Tue 中午前打完指模 (day 1)
Wed (day 2) 等運到
Thur (day 3) 等運到
Fri (day 4) 晏晝2點幾收到一個approval email，繼續等運到
Sat (唔計working day) 忐忑不安，係唔係填錯嘢，交漏文件呢?
Sun (唔計working day) 神所賜出人意外的平安，必在基督耶穌裡保守你們的心懷意念。(腓立比書 4:7 ) 感謝神！
Mon (day 5) 朝早8點前收到approval email，終於放低半舊大石
先前聽好多人講priority service批得好快，24小時內都有人批到，有人day 2就有，所以喺day 2,3,4嗰幾日其實都真係幾忐忑，好擔心係咪做錯嘢，做漏嘢，點知原來係上帝要訓練我嘅耐性。
至於交咗咩文件呢，其實每個人要求嘅文件都唔同，填好表後，佢會有個list要你照單執藥，而我哋藥單係：
BNO passport全本
HKSAR passport全本 (包括已過期)
BRP
HKID
BNO Visa email
Share Code
大學畢業證書
Ecctis letter (英文證明)
Council Tax (5年)
P60 (4-5年) + 最新payslip
結婚證書
兩個細路出世紙
Consent form part 1&2
當忐忑期間，其實好易會overthinking，係咪交漏文件，第一年冇P60，只有council tax係咪唔夠，早知交埋咩咩咩交件喇。雖然等待嘅過程有D煎熬，但感恩"陪我跨過"。
上回講到我哋去露營，順便釣魚，可惜咩都釣唔到。 其實喺英國釣魚係要攞牌(rod fishing licence)嘅。 喺英格蘭同威爾斯，最平係一日牌£7.30，另外仲有8日(£14.70)同12個月(£36.80)揀。 但如果係16歲以下兒童，就係免費，但13-16歲依然要上網申...
