先前提過11月5日係Bonfire Night，呢段期間超市有煙花賣，所以好多人都會喺屋企花園放煙花，相信身在英國嘅人已經經歷咗幾日民間煙花匯演。
除咗自放煙花之外，正式嘅煙花匯演都有好多，Alexandra Palace呢個聲稱係全倫敦最正嘅，我哋當然唔錯過喇。
https://www.alexandrapalace.com/whats-on/ally-pallys-fireworks-festival-3/#
好彩早早買咗飛，原來係會售罄㗎。
除咗睇煙花，仲有bonfire，fire show，laser show，仲有fun fair機動遊戲，攤位遊戲，呢D合家歡活動，當然亦有bar，畀人飲番幾杯喇。
講返個煙花匯演，近距離睇煙花都真係好震撼，好正嘅，雖然人多，但又未至於擠迫。小妹話出年要再去，但要擔張櫈坐住睇咁話。
Gutter即係屋頂邊嘅雨水糟(圖中屋頂邊邊，黑色，半圓柱體嗰舊野)，用途係接住屋頂嘅雨水，然後排走佢。如果個gutter塞咗，積水，有機會令到屋頂附近位置滲水，或者落雨時有"水舞間"，滲得勁嘅話，對屋頂，牆身同地基都會有影響，所以個gutter要定期清理。
由於要拆屋頂嘅煙囪，所以要起個施工架(scaffold)上屋頂，當builder上到屋頂時，順手檢查埋屋頂嘅瓦仔同其他設備。
Builder話屋頂有幾粒瓦仔爛咗，要換，其他瓦仔都狀況良好，可以用多二三十年，感恩，呢點同當初surveyor講嘅吻合。
但係個gutter(雨水糟)就太淺，而且旁邊嘅木板亦太舊，最多頂到兩至三年就要換，但既然而家搭咗個施工架，就趁機換埋佢喇。
真係攪一攪間屋就一闊三大，整吓多一樣，整吓又多一樣。
小妹學校繼Movie Night後又一力作，係Halloween Disco。雖然主題係Halloween，但我哋都放棄暗黑系列，選擇做光明之女。
小妹話其實Disco冇咩攪作，喺學校禮堂，播住音樂，有個老師喺度跳傻舞，有D同學仔一齊跳傻舞，而小妹自己就只係四圍盪，四圍去搵老師同學吹水。
學校宣傳話有飲品無限量供應，以為小妹會放肆地飲，點知又冇喎，佢哋只係吹水唔飲水。
問小妹出年仲去唔去Disco Night，兩個都異口同聲話要再去，但聽佢哋嘅描述又唔覺得特別好玩，不過應該係醉翁之意不在酒，只在乎同朋友仔見吓面，傾吓計。
由倫敦揸車上曼城，大約要4個鐘，一程車應該唔係好攪得掂，特別係有兩隻小妹喺車。
除咗考慮highway上面嘅service point之外，我哋仲專登喺倫敦同曼城中間揀咗個停車點，去吓廁所，食吓野，行吓街咁。
北上嗰程，我哋揀咗停Rugby嘅Retail Parks，嗰度有兩個好近嘅retail park，非常好行，我哋前前後後逗留咗3個鐘先再繼續行程，全家各人都有斬獲。
Elliott's Field Retail Park, Leicester Rd, Rugby CV21 1SR
Junction 1 Retail Park, Leicester Rd, Rugby CV21 1RW
停喺Retail park係壞處係會耽誤行程，我哋攪到天黑先到曼城。
上回講到我哋嘅road trip初體驗喺波折重重吓終於順利出發，原本打算去嘅近theme park(https://www.gulliversworldresort.co.uk/)因為full booking，所以要改變計劃去個比較遠嘅，車程要個半鐘頭。
去到停車場門口，竟然見到長長嘅車籠，起初以為係half term比較多人，排咗半個鐘之後就有職員出嚟話係全區停電，個theme park唔知幾時先開到門，正當諗緊應變策略，查緊地圖搵緊另一個景點時，突然又有職員出嚟話開得番喇。
就係咁，我哋順利入到園喇。
呢個theme park其實係Gulliver's旗下嘅其中一個，全英國有好幾個，最近曼城嘅係Warrington嘅Gulliver's World Resort，本來係我哋嘅首選，可惜太遲買飛，已售罄。
今次去呢個係喺Sheffield附近嘅，萬母會用中度刺激嚟形容呢個theme park，刺激嘅過山車，海盜船係有嘅，亦有好多輕微刺激機動遊戲。呢個theme park幾啱小學雞玩，少少激多多趣。
https://www.gulliversvalleyresort.co.uk/
因為停電而遲咗開門，佢除咗延長閂門時間，仲可以係特選日子再次入場作補償，之但係，我哋又冇奶油揸幾個鐘去玩個theme park，一玩就要過夜，即係人出豉油，我出雞，太唔化算喇。
呢個theme park就係我哋曼城之旅嘅唯一一個正式景點，好似好嘥料咁，不過算喇，今次road trip我哋學識咗隨遇而安。
被旅行蟲咬咗好耐，美其名北上去探親，實際上係為咗止痕。
兩個月前已經book定酒店，打算北上兩晚探兩家人，出發前一星期，諗諗吓覺得唔夠喉，想extend多一晚酒店，除咗探親，順便去觀光，正想科水extend酒店時，就收到消息，其中一家未能如期見面(此乃波折1)。
但既然酒店book咗又冇得退，唯有繼續行程，當觀光旅遊都好吖，出發前三日，諗諗吓又貪心，不如中途停多一個點，於是乎又book多晚酒店，但book完酒店竟然發現想去嘅吉佰利世界(https://www.cadburyworld.co.uk/en)已經full booking(此乃波折2)，唔緊要，大丈夫能屈能伸，最多咪去第二度，揀好埋去華威城堡(https://www.warwick-castle.com/)，諗住終於定好晒行程，開開心心執行李。
點知，小妹發燒了(此乃波折3)，左諗右諗，似乎上天唔想我哋去咁多日，每次想留多晚時就有阻滯，唯有狠心取消第三晚酒店，只希望快快退燒，可以如期出發。
擔心咗兩日，終於到出發嗰朝，準備就緒，打算上網買埋第二日嘅theme park(https://www.gulliversworldresort.co.uk/)門票時，竟然又full booking(此乃波折4)。
大丈夫真係能屈能伸嘅，再搵另一個theme park，終於book到飛，可以出發喇。
正當以為所有野都順利番時，去到theme park門口，竟然話全區停電......(此乃波折5)。
欲知後事如何，請看下回分解。
唔駛擔心，我哋一家最後都平安返回倫敦嘅。
圖為奧脫福球場(Old Trafford)，係曼聯嘅主場，全英國第二大嘅球場，某人指定景點，就算只到門口打個卡都要到此一遊。
開始入秋冬，天氣開始涼，日照又變短，多咗時間喺屋企，適合做咩呢？ 適合鈎嘢去捐，今次係鈎BB被，捐畀Sands做悼念盒。 被仔要求一定要全白，要手織或手鈎，正方形，大約50-60cm，咩款式都得，如果自己冇idea，網站都有pattern可跟。 鈎被仔比鈎公仔需要更多時間，雖然只...
