Bletchley Park並唔係一個公園，而係第二次世界大戰時嘅一個軍事基地，不過呢個基地係做密碼解讀，當時嘅德軍用無線電波溝通時，會先將內容加密，咁盟軍就算攔截到訊息，都唔知講咩，而Bletchley Park就係一個解密基地，攔截到嘅德軍訊息都會送嚟呢度進行解密，所以呢度係聚集咗一班天才，日而繼夜，夜而繼日咁進行解密工作，而到後期，因為德軍用嘅密碼複習咗，攪到要用機器(Bombe machine)先得，而Bombe machine就係由Alan Turing發明㗎喇，係咪覺得呢個名好熟呢？Life in the UK有考㗎。
//布萊切利園（英語：Bletchley Park），又稱X電台（英語：Station X），是一座位於英格蘭米爾頓凱恩斯布萊切利鎮內的宅第。在第二次世界大戰期間，布萊切利園曾經是英國政府進行密碼解讀的主要地方，軸心國的密碼與密碼文件，如恩尼格瑪密碼機等，一般都會送到那裡進行解碼。自恩尼格瑪密碼機被破解後，布萊切利園所收集到的軍事情報一概被代號為ULTRA；儘管現今有部份人對這些情報的功用提出質疑，但普遍認為，ULTRA除幫助了盟軍外，還提早結束戰爭。//
如果對呢段歷史有興趣，或者考慮GCSE讀電腦科，就應該去Bletchley Park走一轉喇。Bletchley Park嘅飛係入場後12個月有效，即係一年內可以無數次入場。
https://www.bletchleypark.org.uk/
如果去開Bletchley Park，不妨去Milton Keynes走一圈，Milton Keynes係近倫敦嘅一個新市鎮，市容同倫敦好唔同，市中心有個大商場，仲有aracdes，另外有間"獅子山"嘅港式茶餐廳，去開MK值得一試。
沒有留言:
發佈留言