人山人海嘅Bourton-on-the-Water

舊年去過Castle Combe，覺得Cotswolds嘅風景幾特別，所以專登帶貴賓去一轉，今次揀咗去Bourton-on-the-Water (水上伯頓)。

去到當日簡直覺得驚為天人，因為多人多到好得人驚，可能係因為天氣熱，個個都想去玩水。

Bourton-on-the-Water係一條小村莊，中間有條小河貫穿個村莊，當日河邊嘅人多到好似入咗花市咁，雖然景色係好優美，但人真係太多喇，難為了居民們。

//水上伯頓是英格蘭西南部格洛斯特郡科茨沃爾德區的一個村莊，位於一個寬平的谷地，屬於科茨沃爾德傑出自然風景區的一部分。2011年有人口 3,296 人村莊中心沿河地帶的大部分為指定的保護區。 水上伯頓街道兩側是又長又寬的綠地，溫德拉什河貫穿其中。//

我哋喺河邊只係逗留咗好短嘅時間，因為我哋另有景點要去。

第一個係The Dragonfly Maze，呢個係一個小迷宮，一邊行迷宮要一邊睇checkpoint嘅提示，收集所有提示後，去到中央圓屋就要解謎，成功解謎嘅話就會搵到dragonfly藏身之處，小妹表示幾好玩，邊行迷宮邊猜謎，萬母覺得適合高小以上。

https://thedragonflymaze.com/

一家四口入場£15

另一個活動係去騎馬，騎45分鐘，盛惠每人£55，我哋騎住馬去咗Lower Slaughter嗰邊，風景同Bourton-on-the-Water類似，但少遊客D，如果唔想人山人海咁睇風景，Slaughter會係另一個選項。

https://bourtonvaleequestrian.co.uk/