趁住年票未過期,嗱嗱臨去多次Hampton Court Palace。
室內嘅展覽基本上已經睇咗九成,今次睇埋Herny VIII嘅廚房,見識吓咩叫做煮大茶飯。
復活節期間繼續有尋兔活動,小妹拎住張地圖,自己搵路自己尋免,喺後面跟住嘅萬母真心覺得小妹大喇,自己決定前路喇。
雖然Hampton Court Palace嘅鬱金香節下星期先開始,但好多鬱金香已經開花喇,又可以做到一箭雙雕,抵曬。今次仲見埋全世界最大嘅葡萄樹,有埋健力氏證書。
離開Hampton Court Palace,去埋隔離嘅Bushy Park,諗住探吓D鹿仔,唔知D鹿仔係咪搬咗屋冇通知,影都冇,不過唔緊要喇,有花睇,有朱古力食,已經好滿足喇。
沒有留言:
發佈留言