可能因為(扮)潮或者因為(堅)懶，萬母對於傳統年糕都麻麻地，蒸完又要煎實在好煩，所以兩年前曾經試過焗椰汁年糕，當年覺得好驚艷，外脆內軟。 亦曾經試過整朱古力年糕，但失敗咗，今年再戰朱古力年糕，步驟如下：
1. 將250克牛奶，40克砂糖，30克粟米油，1隻雞蛋混合，攪勻。
2. 倒入220克糯米粉，20克朱古力粉，3克泡打粉，2克小梳打粉，攪勻成稀糊
3. 將稀糊倒入模具，一邊倒入朱古力豆
4. 180度焗45分鐘
今年終於唔係掟死狗，可以食得入口，不過就嫌唔夠朱古力味，小妹提議可以加多D朱古力豆.
沒有留言:
發佈留言