寒冬終於都過去,冬眠嘅動物終於可以出動。
英國嘅春天好適合去賞花,但如果同小妹講話去賞花,佢哋一定唔肯出門口,所以萬母搵咗個地方,可以一箭雙鵰,細路去尋復活兔,大人去睇鬱金香同水仙花。
小妹一邊喺花園周圍尋兔嘅同時,萬母可以欣賞七彩繽紛嘅鬱金香,花園中間仲有英國第一個迷宮,加埋個兒童遊樂場,最後仲換埋朱古力兔仔,小妹盡慶而回。
小妹用Blue Peter Badge可以免費入場(遲吓再開post講呢個好抵嘅badge),小妹答應下次再去睇埋室內展覽,yeah! 策略成功!
偶然喺網上見人講呢本雜誌,見口碑唔錯,想買本嚟睇吓,點知搵勻各大超市都唔見有賣,最後都係上網買咗一本試讀。 睇過實物之後,覺得真心正,值得訂閱。 呢本雜誌嘅目標讀者係8-14歲嘅青少年,但萬母覺得大人都啱睇,特別係我哋呢D母語唔係英文嘅大人,因為有D生字,佢會配有英文解釋。 雜誌...
沒有留言:
發佈留言