韓式雞肉懶人飯

雖然萬母好懶惰，熱愛煮懶人飯，但時不時都要變吓花款先得小妹歡心嘅。

1. 洗好米放入飯煲，比煲白米要減少水量

2. 洗好蕃茄，去椗，底部界十字，放飯煲正中間

3. 將醃好嘅雞肉圍住蕃茄放

4. 開掣，煮飯

5. 飯熟後，攪勻，再加埋韓式辣醬就得

6. 必要時可以開埋韓劇，等oppa陪住開飯

呢款韓式辣醬有少少辣，但小妹都食到，仲要求添飯。

萬母應該要去物色多D唔同國家嘅醬料，冇得去旅行，唯有食醬當去咗。