暑期消遣-入戲院睇戲

喺香港，每逢學校長假，小妹都會跟小妹姨入戲院睇戲。嚟到英國，冇咗小妹姨做外援，但戲都係要睇嘅。

小妹睇廣告時已經指定要睇邊套戲。

廿四孝母親唯有上google map search吓屋企附近有咩戲院，好彩近近地都有個。

https://www.myvue.com/

上網買飛每張£5.99。同一條院線，唔同區都唔同價。

只有個email confirmation，並冇任何實體戲飛，本來以為入場時會有人scan QR code，最後係直入冇人理，嘩，真係畀壞人混水摸魚都得。可能始終係肺炎期，入到場都只得小貓幾隻。

其實英國戲院同香港戲院都冇咩大分別，門口都一樣有汽水爆谷賣，但場內係冇冷氣，所以唔會喺戲院凍僵。